சுஷாந்த் சிங்கிற்கு விஷம் கொடுத்து கொன்றது ரியா சக்ரவர்த்தி தான்..! சுஷாந்தின் தந்தை பரபரப்புக் குற்றச்சாட்டு..!

27 August 2020, 12:01 pm
Sushant_Singh_father_UpdateNews360
Quick Share

ரியா சக்ரவர்த்தி தனது மகனுக்கு நீண்ட காலமாக, மெதுவாக சாகடிக்கும் விஷம் கொடுத்து வந்ததாக சுஷாந்த் சிங் ராஜ்புத்தின் தந்தை கே.கே.சிங் குற்றம் சாட்டினார். ரியா சக்ரவர்த்தியை ஒரு கொலைகாரி என்று குற்றம் சாட்டிய சிங், தான் வெளியிட்டுள்ள வீடியோ செய்தியில், விசாரணை அமைப்பு அவரை கைது செய்ய வேண்டும் என்று கூறினார்.

“ரியா சக்ரவர்த்தி நீண்ட காலமாக என் மகன் சுஷாந்திற்கு விஷம் கொடுத்து வந்தார். அவர் ஒரு கொலைகாரி. விசாரணை நிறுவனம் அவரையும் அவருடைய கூட்டாளிகளையும் கைது செய்ய வேண்டும்.” என்று கே.கே.சிங் கூறினார்.

முன்னதாக இன்று, ராஜ்புத்தின் சகோதரி ஸ்வேதா சிங் கீர்த்தி, சக்ரவர்த்தியை கைது செய்ய வேண்டும் என்று கோரினார். “ஒரு பிரதான குற்றம் சாட்டப்பட்டவர் நேர்காணல்களை வழங்குவதற்கும் விளம்பரங்கள் மூலம் ஸ்டண்ட் செய்வதும் கூடாது என்பதை இந்திய அரசு கவனிக்க வேண்டும்!!!” என அவர் ஒரு ட்வீட்டில் கூறினார். 

எனினும், ராஜ்புத் குடும்பத்தின் வழக்கறிஞர் விகாஸ் சிங், எந்தவொரு கடினமான ஆதாரமும் இல்லாமல் சிபிஐ ரியா சக்ரவர்த்தியை காவலில் எடுத்து அவருக்கு ஜாமீன் வழங்கினால், முழு போராட்டமும் எதிர் விளைவை ஏற்படுத்தும் என்று கூறினார்.

முன்னதாக நேற்று, போதைப்பொருள் கட்டுப்பாட்டு பணியகம் (என்சிபி) ரியா சக்ரவர்த்திக்கு எதிராக வழக்கு பதிவு செய்தது மற்றும் சமீபத்திய தகவல்களின்படி, சுஷாந்த் சிங் ராஜ்புத் விவகாரம் தொடர்பான போதைப்பொருள் வழக்கை விசாரிக்க ஒரு குழு அனுப்பப்பட்டுள்ளது எனத் தெரிகிறது.

“சுஷாந்த் சிங் ராஜ்புத் மரண வழக்கில் போதைப்பொருள் தொடர்பான விவகாரத்தில் விசாரிக்க ஒரு குழு அமைக்கப்பட்டுள்ளது. விசாரணை மேற்கொள்ள அந்த குழு டெல்லியில் இருந்து புறப்பட்டுள்ளது.” என்று போதைப்பொருள் கட்டுப்பாட்டு பணியகத்தின் (என்சிபி) இயக்குநர் ஜெனரல் கூறியுள்ளார்.

இந்நிலையில் சற்றுமுன் ரியா சக்ரவர்த்தியின் சகோதரர் ஷோயிக் சக்ரவர்த்தி டிஆர்டிஓ விருந்தினர் மாளிகையில் சிபிஐ விசாரணைக்கு பதிலளித்து வரும் தகவல் வெளியாகியுள்ளது. மேலும் இந்த வழக்கில் பிரதான குற்றவாளியாக கருதப்படும் ரியா சக்ரவர்த்தியை சிபிஐ விரைவில் விசாரிக்கும் என்று நம்பப்படுகிறது.

Views: - 1

0

0