11 வயது சிறுமி பாலியல் பலாத்காரம்..! அவசர உதவி மைய காவலரே அத்து மீறிய அவலம்..!

25 August 2020, 5:04 pm
Minor_Rape_UpdateNews360
Quick Share

டேராடூனில் ஞாயிற்றுக்கிழமை 11 வயது சிறுமி உதவி துணை ஆய்வாளரால் பாலியல் பலாத்காரம் செய்யப்பட்டதாகக் கூறப்படுகிறது. குற்றம் சாட்டப்பட்டவர் டேராடூனில் அமைந்துள்ள அரசு குடியிருப்புகளின் கழிவறையில் வைத்து சிறுமியை பாலியல் பலாத்காரம் செய்ததாக கூறப்படுகிறது.

11 வயது சிறுமியின் தாயும் தந்தையும் மாற்றுத் திறனாளிகள் ஆவர். குற்றம் சாட்டப்பட்டவர், டேராடூனில் அமைந்துள்ள உத்தரகண்ட் காவல்துறையின் 112 அவசர உதவி மையத்தில் பணிபுரிந்த சஞ்சீவ் ஜகுடி என கண்டறியப்பட்டுள்ளது.

மகளின் அவலநிலை குறித்து அறிந்த 11 வயது சிறுமியின் தாய் போலீஸை அணுகி புகார் அளித்தார். 11 வயது சிறுமியின் குடும்பமும் குற்றம் சாட்டப்பட்டவர்களும் அரசு குடியிருப்பின் ஒரே வளாகத்தில் வசிக்கிறார்கள் என்று வட்ட அலுவலர் சேகர் சந்த் சுயால் தெரிவித்தார்.

ஞாயிற்றுக்கிழமை பிற்பகல், 11 வயது சிறுமி கழிப்பறைக்குச் சென்றார். ஆனால் நீண்ட நேரம் கழித்து கூட அவர் திரும்பவில்லை. அப்போது சிறுமியின் தாய் மகளைத் தேடிச் சென்றார். 11 வயது சிறுமியின் தாய் அவரை பல முறை கூப்பிட்டும் பதில் கிடைக்கவில்லை. இந்நிலையில் உள்ளே இருந்து கதவு பூட்டப்பட்டிருப்பதை அந்தப் பெண் கவனித்தாள்.

திடீரென்று,சஞ்சீவ் ஜகுடிகதவைத் திறந்து சம்பவ இடத்திலிருந்து தப்பி ஓடிவிட்டார். 11 வயது சிறுமியின் தாய் கழிவறைக்குள் நுழைந்தபோது, மகள் மயக்க நிலையில் கிடப்பதை கண்டு, சிறுமியை வீட்டிற்கு அழைத்துச் சென்று பக்கத்து வீட்டுக்காரர்களுக்கு தகவல் கொடுத்தார்.

இந்த சம்பவம் குறித்து அக்கம்பக்கத்தினர் போலீசாருக்கு தகவல் அளித்து, சிறுமியை மருத்துவமனையில் சேர்த்துள்ளனர். போலீசார் சஞ்சீவ் ஜகுடிமீது வழக்கு பதிவு செய்து அவரைக் கைது செய்ய ஒரு குழுவை அமைத்தனர். இந்நிலையில் நேற்று அவர் கைது செய்யப்பட்டு நீதிமன்றத்தில் ஆஜர்படுத்தப்பட்டு பின்னர் சிறைக்கு அனுப்பியுள்ளனர்.