பிரமாண்டமாக நடந்தேறியது ரஃபேல் இணைப்பு..! சாகசக் காட்சிகளை அரங்கேற்றி வாழ்த்திய இந்திய தேஜஸ் விமானங்கள்..!

இந்திய விமானப்படை (ஐ.ஏ.எஃப்), ஐந்து ரஃபேல் போர் விமானங்களை விமானப்படையின் 17’வது படைப் பிரிவான கோல்டன் அம்புகளில் முறையாக இணைத்துள்ளது. பாதுகாப்பு அமைச்சர் ராஜ்நாத் சிங், பிரெஞ்சு பாதுகாப்பு அமைச்சர் புளோரன்ஸ் பார்லி ஆகியோர் அம்பாலாவில் நடந்த இந்த விழாவில் நேரடியாக கலந்து கொண்டனர். 

போர் விமானங்களின் முறையான இணைப்பு விழாவிற்கு முன்பு விமான நிலையத்தில் ஒரு சர்வ தர்ம பூஜை நடத்தப்பட்டது. சிறிது நேரத்திற்குப் பிறகு, ஐ.ஏ.எஃப் பிரெஞ்சு விமானங்களை ஒரு பாரம்பரிய நீர்-பீரங்கி வணக்கத்துடன் சேர்த்தது.

இந்நிகழ்ச்சியில் பேசிய ராஜ்நாத் சிங், ரஃபேலை இந்திய விமானப்படையில் சேர்ப்பது இந்தியாவிற்கும் பிரான்சுக்கும் இடையிலான வலுவான உறவுகளை பிரதிபலிக்கிறது என்று கூறினார். “எங்கள் இரு நாடுகளுக்கும் இடையிலான மூலோபாய உறவுகளும் வலுப்பெற்றுள்ளன” என்று ராஜ்நாத் சிங் கூறினார்.

“இன்றைய பாதுகாப்பு சூழ்நிலையை கருத்தில் கொண்டு இந்த இணைப்பு இதைவிட சரியான நேரத்தில் நடந்திருக்க முடியாது” என்று விமானப்படை தளபதி மார்ஷல் ஆர்.கே.எஸ் பதோரியா ரஃபேல் இணைப்பு விழாவில் கூறினார்.

முன்னதாக, இந்த விழாவில் எஸ்.யு -30 மற்றும் ஜாகுவார் விமானங்களால் அம்புக்குறி உருவாக்கப்பட்ட ரஃபேல் போர் விமானங்களின் சாகசக் காட்சி அரங்கேற்றப்பட்டது. உள்நாட்டு லைட் காம்பாட் விமானம் (எல்.சி.ஏ) தேஜாஸ் வழங்கிய ஐ.ஏ.எஃப்’இன் சாரங் ஏரோபாட்டிக் குழுவினரின் சாகசக் காட்சி கண்கொள்ளாக் காட்சியாக இருந்தது. 

இந்த விழாவில் இந்தியா மற்றும் பிரான்சின் பாதுகாப்பு அமைச்சர்களுடன் இந்தியாவின் பாதுகாப்புத் துறை தலைமைத் தளபதி ஜெனரல் பிபின் ராவத், பாதுகாப்பு செயலாளர் டாக்டர் அஜய் குமார், பாதுகாப்புத் துறை ஆர்&டி செயலாளர் மற்றும் டி.ஆர்.டி.ஓ. தலைவர் டாக்டர் ஜி சதீஷ் ரெட்டி ஆகியோர் கலந்து கொண்டனர்.

தற்போது ஐந்து போர் விமானங்களை மட்டுமே இந்திய விமானப்படையில் இணைத்துள்ள நிலையில், 36 போர் விமானங்களின் முழுமையான இணைப்பு 2021’ஆம் ஆண்டின் இறுதிக்குள் முடிவடையும் என்று எதிர்பார்க்கப்படுகிறது.

Updatenews Sekar

See author's posts

Views: - 0

0

0