மக்களின் அன்பை பெற்றவர்கள் அரசியலுக்கு வரலாம் ; நடிகர் விஜய் அரசியலுக்கு வந்தால் அதிமுக வரவேற்கும்… கேபி முனுசாமி பேச்சு..!!

நடிகர் விஜய் அரசியலுக்கு வருவதை அதிமுக வரவேற்கும் என்று அக்கட்சியின் எம்எல்ஏ K.P.முனுசாமி தெரிவித்துள்ளார்.

கிருஷ்ணகிரி மாவட்டம் ஒசூர், சூளகிரியில் துரை ஏரியிலிருந்து சின்னார் அணைக்கு உபரி நீர் செல்வதற்காக கால்வாய் அமைக்கும் பணிக்கு அதிமுக துணை பொதுசெயலாளரும், வேப்பனஹள்ளி சட்டமன்ற உறுப்பினருமான K.P.முனுசாமி அடிக்கல் நாட்டினார்.

வேப்பனஹள்ளி சட்டமன்ற உறுப்பினர் மேம்பாட்டு நிதியிலிருந்து 30 லட்சம் ரூபாய் ஒதுக்கீடு செய்து இதற்கான பணிகள் தொடங்கப்பட்டது. பின்னர் பத்திரிகையாளர்களுக்கு பேட்டியளித்த K.P.முனுசாமி:- தமிழகத்தில் மக்களுக்கு பிரச்சனை தரக்கூடிய பகுதிகளில் இருந்த 500 மதுபான கடைகளை மூடி இருந்தால் மகிழ்ச்சி. இன்னும் பொதுமக்களுக்கு தொந்தரவாக இருக்கும் மதுபான கடைகளை மூட வேண்டும், என்றார்.

விஜய் அரசியல் குறித்த கேள்விக்கு பதிலளித்த அவர், ஜனநாயக நாட்டில் வளர்ந்து மக்களின் அன்பை பெற்று, மக்களுக்கு பணி செய்ய சிந்திக்கிறவர்கள் அனைவரும் அரசியலுக்கு வரலாம் நடிகர் விஜய் அரசியலுக்கு வருவதை வரவேற்கிறோம், என்றார்.

Views: - 309

0

0