உண்ணாவிரதமா? உண்ணும் விரதமா? போராட்டத்திற்கு நடுவே உணவகத்தில் டீ, ஸ்நாக்ஸ் சாப்பிட்ட திமுகவினர்.. வீடியோ வைரல்!

திருப்பூரில், திமுக உண்ணாவிரத போரட்டத்தினியிடையே உணவகத்தில் திமுகவினர் காபி சிற்றுண்டி வாங்கி உண்ணும் வீடியோ வைரலாகி வருகிறது.

மத்திய அரசு நீட் தேர்வை திரும்ப பெற வேண்டும் என வலியுறுத்தி தமிழகம் முழுவதும் திமுக இளைஞர் அணி , மாணவர் அணி மற்றும் மருத்துவரணி சார்பாக நேற்று உண்ணாவிரதப் போராட்டம் நடைபெற்றது.

அதன் ஒரு பகுதியாக திருப்பூர் வடக்கு மற்றும் தெற்கு மாவட்ட இளைஞரணி , மாணவரணி மற்றும் மருத்துவர் அணி சார்பாக, திருப்பூர் ரயில் நிலையம் முன்பாக உண்ணாவிரத போராட்டமானது நடைபெற்றது. இந்நிலையில், உண்ணாவிரத போராட்டம் துவஙகிய சில மணி நேரங்கள் கழித்து போராட்டத்தில் கலந்து கொண்டவர்கள் போராட்ட மேடைக்கு அருகாமையில் இருந்த உணவகத்தில் காபி , சிற்றுண்டி உண்ணும் வீடியோ தற்போது பேஸ்புக் உள்ளிட்ட சமூக வலைதளங்களில் வைரலாகி வருகிறது

உண்ணாவிரத போராட்டம் என அறிவித்து விட்டு, பசிக்கும்ல சாப்பிடக்கூடாதா என்ற தொனியில் திமுகவினர் உணவகத்தில் டீ, ஸ்நாக்ஸ் சாப்பிட்ட காட்சிகள் வைரலாகி வருகிறது.

Views: - 344

0

0