என்ன செய்தாலும் முகத்தில் உள்ள முடிக்கு தீர்வு காண முடியவில்லையா… உங்களுக்கு ஒரு ஹேப்பி நியூஸ்!!!

முகத்தில் முடி என்பது இன்று பல பெண்களுக்கு இருக்கும் ஒரு பெரிய சரும பிரச்சினை. என்ன தான் இதற்கு வைத்தியம் செய்தாலும், மீண்டும் மீண்டும் வளரும் முடி ஒருவரை கோபமடையவும், வருத்தமடையவும் செய்கிறது. இயற்கையான முறையில் தேவையற்ற முடிகளை அகற்ற உதவும் 7 DIY ஹேக்குகள் குறித்து பார்க்கலாம்.

பச்சை பப்பாளி:
பச்சை பப்பாளியை தோலுரித்து பேஸ்டாக அரைக்கவும். பின்னர் பப்பாளி விழுதை மஞ்சள் தூளுடன் கலக்கவும். பேஸ்ட்டைக் கொண்டு முடி இருக்கும் பகுதியை மெதுவாக மசாஜ் செய்து 20 நிமிடங்கள் அப்படியே விடவும். பின்னர் தண்ணீரில் கழுவவும். இதை வாரத்திற்கு 1-2 முறை செய்யவும்

வாழைப்பழம் மற்றும் ஓட்ஸ் ஸ்க்ரப்:
ஒரு கிண்ணத்தில் இரண்டு டீஸ்பூன் ஓட்ஸ் உடன் ஒரு மசித்த வாழைப்பழத்தை கலக்கவும். உங்கள் முகத்தில் 15-20 நிமிடங்கள் வட்ட இயக்கத்தில் மசாஜ் செய்து தண்ணீரில் கழுவவும். சிறந்த முடிவுகளுக்கு, வாரத்திற்கு இரண்டு முறை இதைப் பயன்படுத்தவும்.

எலுமிச்சை, தேன் மற்றும் சர்க்கரை:
தேன், எலுமிச்சை மற்றும் சர்க்கரையை கலந்து, ஜெல் போன்ற நிலைத்தன்மையைப் பெறும் வரை சூடாக்கவும். ஜெல் ஓரளவிற்கு குளிர்ச்சியாக ஆன பின் தடவவும். ஒரு மெல்லிய அடுக்கை அந்தப் பகுதியில் தடவி, பின்னர் கடினமான துணியால் தேவையற்ற முடியை முடி வளர்ச்சியின் எதிர் திசையில் இழுக்கவும். சருமத்தை சுத்தம் செய்து, அதன் மீது மாய்ஸ்சரைசர் தடவி, மென்மையான மற்றும் பளபளப்பான சருமத்தைப் பெறுங்கள்.

பருப்பு மற்றும் உருளைக்கிழங்கு:
பருப்பை ஒரு இரவு முழுவதும் தண்ணீரில் ஊற வைக்க வேண்டும். உருளைக்கிழங்கின் தோலை உரித்து நசுக்கவும். பருப்பில் உள்ள தண்ணீர் முழுவதையும் நீக்கி அரைத்து பேஸ்ட் போல் செய்யவும். இப்போது நீங்கள் அரைத்த உருளைக்கிழங்கிலிருந்து சாற்றைப் பிரித்தெடுத்து மஞ்சள் பருப்பு விழுதில் சேர்க்க வேண்டும். இந்த கலவையில் புதிதாக பிழிந்த எலுமிச்சை சாறு மற்றும் தேன் சேர்த்து நன்கு கலக்கவும். இந்த கலவையை உங்கள் முகம் மற்றும் உடலின் மற்ற பகுதிகளில் தேவையற்ற முடி உள்ள இடங்களில் தடவவும். உங்கள் உடல் பாகங்களில் சுமார் 20 முதல் 30 நிமிடங்கள் வரை அல்லது பேஸ்ட் முழுவதுமாக காய்ந்து போகும் வரை விடவும்.

முட்டை மற்றும் கார்ன்ஃப்ளார் மாஸ்க்:
ஒரு டீஸ்பூன் சர்க்கரையை அரை டீஸ்பூன் சோள மாவு மற்றும் ஒரு முட்டையுடன் கலந்து கெட்டியான பேஸ்ட்டை உருவாக்கவும். இதை முகத்தில் தடவி 15-20 நிமிடங்கள் உலர விடவும். காய்ந்தவுடன் மெதுவாக உரிக்கவும். அதிகபட்ச முடிவுகளுக்கு வாரத்திற்கு மூன்று முறை செய்யவும்.

முட்டை:
முட்டையின் வெள்ளைக்கருவை முகத்தில் தடவி உலர விடவும். இது இப்போது எளிதாக இழுக்கப்படலாம் மற்றும் தேவையற்ற முடிகள் உதிர்ந்துவிடும். இது சற்று வேதனையான தீர்வாக இருக்கலாம். ஆனால் கால்கள் மற்றும் கைகளில் உள்ள தேவையற்ற முடிகளுக்கு பயனுள்ளதாக இருக்கும்.

பார்லி மற்றும் பால் ஸ்க்ரப்:
ஒரு டேபிள் ஸ்பூன் பார்லி பவுடரை ஒரு டேபிள் ஸ்பூன் பால் மற்றும் எலுமிச்சம் பழச்சாறு சேர்த்து கலந்து பேஸ்ட் செய்யவும். உங்கள் முகத்தில் தடவி, 20 நிமிடங்கள் இயற்கையாக உலர விடவும். வெதுவெதுப்பான நீரில் கழுவவும்.

Views: - 520

0

0