தானே- திவா இடையே 2 புதிய ரயில்பாதைகள்: காணொலி மூலம் திறந்து வைக்கிறார் பிரதமர் மோடி..!!

Author: Rajesh
18 February 2022, 8:39 am
Quick Share

மும்பை: தானே – திவா இடையே அமைக்கப்பட்டுள்ள 2 புதிய ரயில் பாதைகளை பிரதமர் நரேந்திர மோடி இன்று திறந்து வைக்கிறார்.

மத்திய ரயில்வே வழித்தடத்தில் கல்யாண் முக்கியமான சந்திப்பு ரயில் நிலையமாக உள்ளது. இதில் கல்யாண் – சி.எஸ்.எம்.டி. இடையே 4 ரயில் பாதைகள் உள்ளன. இதில் 2 பாதையில் ஸ்லோ மின்சார ரயில்கள் இயக்கப்படுகின்றன.

மற்ற 2 பாதையில் விரைவு மின்சார ரயில்களுடன், எக்ஸ்பிரஸ் ரயில்களும் இயக்கப்படுகின்றன. பெரும்பாலான நேரங்களில் எக்ஸ்பிரஸ் ரயில், நீண்ட தூர ரயில்களால் மின்சார ரயில்களை தாமதமாக இயக்க வேண்டிய நிலை ஏற்படுகிறது. எனவே இதை தடுக்கும் வகையில் தானே – திவா இடையே ரூ.620 கோடி செலவில் கூடுதலாக 2 வழிப்பாதைகள் அமைக்கும் பணி முடிந்துள்ளது.

இந்த திட்டத்தில் 1.4 கி.மீ. நீள ரயில்வே மேம்பாலம், 3 பெரிய பாலங்கள், 21 சிறிய பாலங்களும் அமைக்கப்பட்டுள்ளன. இந்த புதிய ரயில் பாதைகளை இன்று பிரதமர் மோடி காணொலி காட்சி மூலம் திறந்து வைக்கிறார். மாலை 4.30 மணிக்கு தொடங்கும் விழாவில் மோடி 2 மின்சார ரயில் சேவையை கொடி அசைத்து தொடங்கி வைத்து உரையாற்றுகிறார்.

Views: - 452

0

0