முன்னாள் என்ஐஏ அதிகாரி மீது சிபிஐ வழக்குப் பதிவு..! அதிகாரத்தை துஷ்பிரயோகம் செய்ததாக குற்றச்சாட்டு..!

தேசிய புலனாய்வு அமைப்பான என்ஐஏயில் ஏஎஸ்பியாக பணியாற்றிய ஜலாஜ் ஸ்ரீவஸ்தவா மீது வழக்கு விவர பதிவுகள் (சிடிஆர்) மற்றும் வோடபோனிலிருந்து பகுப்பாய்வு செய்ததில் மோசடி செய்ததாக சிபிஐ அதிகாரிகள் தெரிவித்தனர்.

ஸ்ரீவஸ்தவாவுக்கு எதிராக நடவடிக்கை எடுக்கக் கோரிய என்.ஐ.ஏ’வின் புகாரின் பேரில் சிபிஐ வழக்கு பதிவு செய்துள்ளது. இப்போது அவர் எல்லை பாதுகாப்புப் படையில் பணியமர்த்தப்பட்டுள்ளார்.

புகாரைப் பெற்ற பிறகு, ஸ்ரீவஸ்தவா மீது வழக்கு பதிய உள்துறை அமைச்சகத்திடம் சிபிஐ அனுமதி கோரியது. அமைச்சகத்தின் ஒப்புதலைப் பெற்ற பிறகு, ஸ்ரீவஸ்தவா மீது எப்ஐஆர் பதிவு செய்தது.

கூடுதல் காவல்துறை கண்காணிப்பாளராக (ஏஎஸ்பி) பணிபுரிந்த ஸ்ரீவஸ்தவா, இரண்டு சந்தர்ப்பங்களில் இரண்டு மொபைல் தொலைபேசி எண்களின் சி.டி.ஆரை வாங்குவதற்கான தனது உத்தியோகபூர்வ நிலையை தவறாகப் பயன்படுத்தியதாகவும், மூன்றாவது முறையாக முயற்சி செய்து தோல்வியுற்றதாகவும் என்ஐஏ குற்றம் சாட்டியது என அதிகாரிகள் தெரிவித்தனர்.

ஸ்ரீவஸ்தவா உடன் ஒரே கட்டிடத்தில் வசித்து வந்த அவினாஷ் கவுர், சுதேஷ் சைனி எனும் நபரின் சி.டி.ஆரைப் பெறுமாறு கேட்டுக் கொண்டதாக குற்றம் சாட்டப்பட்டுள்ளது. என்ஐஏ விசாரித்த எந்தவொரு வழக்கிலும் சைனிக்கு எந்த தொடர்பும் இல்லை என்று அதிகாரிகள் தெரிவித்தனர்.

Updatenews Sekar

See author's posts