ஆக்ஸ்போர்டு கொரோனா தடுப்பூசி பரிசோதனை இந்தியாவில் மீண்டும் தொடக்கம்..! டிசிஜிஐ அனுமதி..!

16 September 2020, 11:07 am
corona_vaccine_updatenews360
Quick Share

ஆக்ஸ்போர்டு கொரோனா தடுப்பூசியின் மருத்துவ பரிசோதனையை நாட்டில் மீண்டும் தொடங்க ஆதார் பூனாவாலாவின் சீரம் இன்ஸ்டிடியூட் ஆப் இந்தியா (எஸ்.ஐ.ஐ.) நிறுவனத்திற்கு மருந்துகள் கட்டுப்பாட்டு ஜெனரல் (டி.சி.ஜி.ஐ) டாக்டர் வி.ஜி.சோமானி அனுமதி அளித்தார். 

எனினும், டி.சி.ஜி.ஐ, ஸ்கிரீனிங்கின் போது கூடுதல் அக்கறை எடுத்துக்கொள்வது, தகவலறிந்த சம்மதத்தில் கூடுதல் தகவல்களை வழங்குதல் மற்றும் ஆய்வின் பின்தொடர்தலின் போது பாதகமான நிகழ்வுகளை நெருக்கமாகக் கண்காணித்தல் போன்ற சில நிபந்தனைகளை சீரம் நிறுவனத்திற்கு முன்வைத்துள்ளது.

பாதகமான நிகழ்வுகளை நிர்வகிப்பதற்கான நெறிமுறையின்படி பயன்படுத்தப்படும் மருந்துகள் குறித்த தகவல்களை டி.சி.ஜி.ஐ அலுவலக விவரங்களுக்கு சமர்ப்பிக்க எஸ்.ஐ.ஐ.’க்கு அறிவுறுத்தப்பட்டுள்ளது.

முன்னதாக பிரிட்டனில் ஆக்ஸ்போர்டு தடுப்பூசி பாதகமான விளைவுகளை ஏற்படுத்தியதை அடுத்து, இந்தியாவிலும் ஆக்ஸ்போர்டு கொரோனா தடுப்பூசியின் இரண்டாம் மற்றும் மூன்றாம் கட்ட மருத்துவ பரிசோதனைகளில் எந்தவொரு புதிய ஆட்சேர்ப்பையும் தற்காலிகமாக நிறுத்தி வைக்குமாறு டி.சி.ஜி.ஐ செப்டம்பர் 11’ஆம் தேதி சீரம் இன்ஸ்டிடியூட்டிற்கு உத்தரவிட்டது.

இந்நிலையில் கடந்த சனிக்கிழமையன்று, பிரிட்டிஷ்-ஸ்வீடிஷ் உயிர் மருந்து தயாரிப்பு நிறுவனமான அஸ்ட்ராஜெனெகா மற்றும் ஆக்ஸ்போர்டு பல்கலைக்கழகம், மருந்துகள் சுகாதார ஒழுங்குமுறை ஆணையத்தின் (எம்.எச்.ஆர்.ஏ) சோதனைகள் பாதுகாப்பானவை என்பதை உறுதிப்படுத்திய பின்னர், இங்கிலாந்தில் தங்கள் கொரோனா வைரஸ் தடுப்பூசிக்கான மருத்துவ பரிசோதனைகள் மீண்டும் தொடங்கியுள்ளன.

இதையடுத்து கொரோனாவுக்கான தடுப்பூசியை தயாரிப்பதற்காக அஸ்ட்ராஜெனெகாவுடன் கூட்டு சேர்ந்துள்ள எஸ்ஐஐ, இங்கிலாந்து மற்றும் இந்தியாவின் தரவு மற்றும் பாதுகாப்பு கண்காணிப்பு வாரியம் பரிந்துரைகளை சமர்ப்பித்தது. மேலும் மருத்துவ பரிசோதனையை மீண்டும் நடத்த அனுமதி கோரியது. .

இதை ஆராய்ந்து டி.சி.ஜி.ஐ வழங்கிய உத்தரவில், சில நிபந்தனைகளுக்கு உட்பட்டு தங்கள் மருத்துவ பரிசோதனைகளில் அனைத்து நோய்த்தடுப்பு மருந்துகளையும் புலனாய்வாளர்கள் மீண்டும் பரிந்துரைத்தனர்.

டி.எஸ்.எம்.பி., இந்தியா, சில நிபந்தனைகளுக்கு உட்பட்டு நெறிமுறையின்படி ஆய்வைத் தொடரவும், மீதமுள்ள பங்கேற்பாளர்களை மருத்துவ பரிசோதனையில் சேர்க்கவும் பரிந்துரைத்துள்ளது.

Leave a Reply