நகர்ப்புற உள்ளாட்சி தேர்தலில் தமிழகத்தில் எத்தனை வாக்கு சதவீதம் தெரியுமா? பரிதாப நிலையில் சென்னை.. முதலிடத்தில் தருமபுரி!!

தமிழகத்தில் நடந்து முடிந்த உள்ளாட்சி தேர்தலக்கான உத்தேச வாக்குப்பதிவு நிலவரங்களை தேர்தல் ஆணையம் வெளியிட்டது.

தமிழகத்தின் உள்ள 21 மாநகராட்சிகள்,138 நகராட்சிகள், 489 பேரூராட்சிககள் என மொத்தம் 648 நகர்ப்புற உள்ளாட்சி அமைப்புகளுக்கு நேற்று காலை 7 மணி முதல் மின்னணு இயந்திரங்கள் மூலம் வாக்குப்பதிவு விறுவிறுப்பாக நடைபெற்றது.

வாக்குப்பதிவு சரியாக மாலை 6 மணியுடன் நிறைவு பெற்றது. மாநகராட்சி வார்டுகள் 1,369, நகராட்சி வார்டுகள் 3,824 ,பேரூராட்சி வார்டுகள் 7409 என மொத்தம் 12,602 இடங்களுக்கு தேர்தல் நடைபெற்றது.

இதனையடுத்து,நகர்ப்புற உள்ளாட்சி தேர்தலில் பதிவான வாக்குகள் வருகிற 22-ஆம் தேதி எண்ணப்பட்டு முடிவுகள் அறிவிக்கப்படவுள்ளன.

இந்நிலையில்,தமிழகம் முழுவதும் நகர்ப்புற உள்ளாட்சி தேர்தலின் உத்தேச வாக்குப்பதிவு நிலவரங்களை மாநில தேர்தல் ஆணையம் வெளியிட்டுள்ளது. அதன்படி,நகர்ப்புற உள்ளாட்சித் தேர்தலில் மாநிலம் முழுவதும் 60.70% வாக்குகள் பதிவாகியுள்ளது.

அதில் அதிகபட்சமாக தருமபுரி மாவட்டத்தில் 80.49% வாக்குகளும், குறைந்தபட்சமாக சென்னையில் 43.59% வாக்குகள் பதிவாகி உள்ளன.

மேலும்,மாநகராட்சியைப் பொறுத்தவரை மொத்தம் 52.22% வாக்குகள் பதிவாகியுள்ளது. அதைப்போல்,நகராட்சி பகுதிகளில் மொத்தம் 68.22% வாக்குகளும், பேரூராட்சி பகுதிகளில் மொத்தம் 74.68% வாக்குகள் பதிவாகியுள்ளதாக தெரிவிக்கப்பட்டுள்ளது.

Views: - 675

0

0