அரசியல் கட்சியாக மாறும் விஜய் மக்கள் இயக்கம்? புஸ்ஸி ஆனந்த் வெளியிட்ட முக்கிய அறிவிப்பு!!

கடந்த சில ஆண்டுகளாகவே விஜய் மக்கள் இயக்கத்தினர் பல்வேறு மக்கள் பணிகளில் ஈடுபட்டு வருவது நாம் அறிந்ததே.

வாரந்தோறும் இயலாதவர்கள் பால் மற்றும் ரொட்டி வழங்குதல், ஏழை எளிய குழந்தைகளுக்கு நோட்டு மற்றும் புத்தகம், ஆங்காங்கே வலியவர்களுக்கு அன்னதானம், இரத்த தான செய்ய செயலிகள் என பல்வேறு சேவைகளை முன்நின்று செய்து வருகின்றனர்.

இந்த நிலையில் சுதந்திரப் போராட்ட வீரர் தீரன் சின்னமலை சிலைக்கு விஜய் மக்கள் இயக்கம் சார்பில் மரியாதை செலுத்தப்பட்டது. ஈரோட்டில் உள்ள சிலைக்கு விஜய் மக்கள் இயக்க பொதுச்செயலாளர் புஸ்ஸி ஆனந்த் மரியாதை செலுத்தினார்.

அப்போது செய்தியாளர்களிடம் பேசிய அவர், விஜய் உத்தரவின்பேரில் தீரன் சின்னமலை சிலைக்கு மாலை அணிவித்து மரியாதை செலுத்தப்பட்டது என கூறினார்.

அப்போது அவரிடம் விஜய் மக்கள் இயக்கம் அரசியல் கட்சியாக மாறுமா என்ற கேள்வி கேட்கப்பட்டதற்கு, விஜய் இது குறித்து அறிவிப்பார் என தெரிவித்துள்ளார்.

இதை வைத்து பார்க்கும் போது விரைவில் அரசியல் கட்சியாக மாறும் சாத்தியக்கூறுகள் உள்ளதாக தகவல் வெளியாகியுள்ளது. புஸ்ஸியும் சூசகமாகவே தெரிவித்துள்ளதாக கூறப்படுகிறது.

Views: - 384

1

0