மீண்டும் 1500க்கு கீழ் சென்ற கொரோனா பாதிப்பு : தமிழகத்தில் இன்றைய நிலவரம்!!

27 November 2020, 6:17 pm
District Corona - Updatenews360
Quick Share

சென்னை : தமிழகத்தில் கொரோனா வைரஸால் பாதிக்கப்பட்டவர்களின் எண்ணிக்கை 7.77 லட்சத்தை தாண்டியுள்ளது.

தமிழகத்தில் கொரோனா பாதிப்பு எண்ணிக்கை நாளுக்கு நாள் அதிகரித்து வந்தது. ஆனால், தமிழக அரசின் தடுப்பு நடவடிக்கைகளினால், கொரோனா எண்ணிக்கை நாளுக்கு நாள் கட்டுக்குள் கொண்டு வரப்படுகிறது.

படிப்படியாக குறைந்து வரும் தொற்றின் எண்ணிக்கை கடந்த 10 நாட்களாக 2 ஆயிரத்திற்கும் குறைவாகவே பதிவாகி வந்தது. இந்த நிலையில், இன்றும் 1,442 பேருக்கு தொற்று உறுதி செய்யப்பட்டுள்ளது. இதன்மூலம், தமிழகத்தில் கொரோனாவால் பாதிக்கப்பட்டவர்களின் எண்ணிக்கை 7,77,616 ஆக அதிகரித்துள்ளது. அதிகபட்சமாக, சென்னையில் இன்று 392 பேர் பாதிக்கப்பட்டுள்ளனர்.

தமிழகத்தில் ஒரே நாளில் 12 பேர் உயிரிழந்துள்ளனர். இதனால், கொரோனாவால் உயிரிழந்தவர்களின் எண்ணிக்கை 11,681 ஆக உயர்ந்துள்ளது. இன்று ஒரே நாளில் 1494 பேர் கொரோனாவில் இருந்து குணமடைந்துள்ளனர். இதுவரையில் குணமடைந்தவர்களின் எண்ணிக்கை 7 லட்சத்து 54 ஆயிரத்து 826 ஆக அதிகரித்துள்ளது.