2021 சட்டப்பேரவை தேர்தலுக்கான பணிகளை இன்றே துவக்குவோம் : அதிமுக தொண்டர்களுக்கு ஓபிஎஸ் – இபிஎஸ் மடல்!!

By: Babu
16 October 2020, 11:17 am
OPS EPS- updatenews360
Quick Share

சென்னை : 2021 சட்டப்பேரவை தேர்தலுக்கான பணிகளை இன்றே துவக்குவோம் என்று அதிமுகவின் 49வது ஆண்டு தொடக்க விழாவை முன்னிட்டு தொண்டர்களுக்கு ஒருங்கிணைப்பாளர் ஓபிஎஸ், இணை ஒருங்கிணைப்பாளர் இபிஎஸ் மடல் எழுதியுள்ளனர்.

அவர் எழுதியுள்ள மடலில் கூறியிருப்பதாவது :- அனைத்திந்திய அண்ணா திராவிட முன்னேற்றக்‌ கழகத்தின்‌ கோடிக்கணக்கான அன்பு உடன்பிறப்புகளுக்கு, கழகத்தின்‌ 49-ஆவது ஆண்டு தொடக்க விழா நல்வாழ்த்துகளையும்‌, வாஞ்சைமிகு வணக்கத்தையும்‌ கூறி மகிழ்கிறோம்‌. நாம்‌, உயிரினும்‌ மேலாக மதித்து, போற்றி, பாதுகாத்து வரும்‌ நம்‌ இயக்கத்திற்கு 48 ஆண்டுகால மக்கள்‌ பணி நிறைவுற்று, 49-ஆவது ஆண்டு தொடங்குகிறது. இன்னும்‌ ஆயிரம்‌ ஆண்டுகள்‌ செழித்து ஓங்கி, மக்கள்‌ தொண்டாற்ற இருக்கும்‌ “அனைத்திந்திய அண்ணா திராவிட முன்னேற்றக்‌ கழகம்‌” என்னும்‌ இந்த மாபெரும்‌ பேரியக்கம்‌ அடுத்த எல்லாம்‌ கழகப்‌ பொன்விழா கொண்டாட்டத்திற்கு முன்னோட்டமாக அமைந்தி வேண்டும்‌ என்று உங்களையெல்லாம்‌ அன்போடு கேட்டுக்‌ கொள்கிறோம்‌.

இதய தெய்வம்‌ புரட்சித்‌ தலைவர்‌ எம்‌.ஜி.ஆர்‌. அவர்கள்‌ ஏன்‌ இந்த இயக்கத்தைத்‌ தொடங்கினார்‌? இந்த இயக்கத்தின்‌ வழியாக தமிழ்‌ நாட்டு மக்களுக்கு அவர்‌ ஆற்றிய பணிகள்‌ யாவை? என்று இந்த நோத்தில்‌ நாம்‌ வரலாற்றின்‌ பக்கங்களை திரும்பிப்‌ பார்க்க வேண்டும்‌. தந்‌ைத பெரியார்‌ என்னும்‌ தகைமைசால்‌ பெருந்தகையிடம்‌ பயிற்சி பெற்ற பேரறிஞர்‌ அண்ணா, தமிழருக்கு இன உணர்வை ஊட்டினார்‌; தமிழ்‌ மொழியின்‌ பெருமைகளை நினைவூட்டினார்‌; சுதந்திரம்‌ பெற்ற இந்திய நாட்டின்‌ புதுப்‌ பயணத்தில்‌, இனத்தாலும்‌, மொழியாலும்‌ ஒன்றுபட்டு தமிழர்கள்‌ முன்னேறிச்‌ செல்ல புதுப்‌பாதை காட்டினார்‌. நம்‌ அரசியல்‌ ஆசான்‌ பேரறிஞர்‌ அண்ணாவின்‌ வழியில்‌ தமிழகத்தில்‌ புது ஆட்சி மலர்ந்தது. தமிழ்‌நாடு என்று பெயர்‌ வந்தது. சமதர்ம, சமத்துவ சமுதாயத்தைப்‌ படைக்க பேரறிஞர்‌ அண்ணாவின்‌ மறைவுக்குப்‌ பிறகு அமைந்த அரசும்‌, உருவான புதிய கட்சித்‌ தலைமையும்‌, திராவிட இயக்கத்தின்‌ லட்சியங்‌களை மறந்து, தங்கள் சுயநலனுக்காக அனைத்து அதிகாரங்களையும் பயன்படுத்திக் கொண்ட தீய சக்திகளின் பிடியில் சிக்கிக் கொண்டன.

மக்கள்‌ வெறுக்கும்‌ வகையில்‌ அண்ணாவின்‌ இயக்கம்‌ செயல்படுவதா!’ என்று வேதனையுற்ற புரட்சித்‌ தலைவர்‌ எம்‌.ஜி.ஆர்‌. அவர்கள்‌, தன்னை இதயக்கனி என்று தாங்கிக்கொண்ட பேரறிஞர்‌ அண்ணாவின்‌ புகழையும்‌, கொள்கைகளையும்‌ நிலைநாட்ட 1972-ஆம்‌ ஆண்டு அக்டோபர் திங்கள்‌ 17-ஆம்‌ நாள்‌ அனைத்திந்திய அண்ணா திராவிட முன்னேற்றக்‌ கழகத்தை தொடங்கினார்‌. அடுத்தடுத்து வெற்றிப்‌ பெற்றார்‌; ஆட்சி அமைத்தார்‌. மக்களின்‌ தேவைகளை அறிந்து ஆட்சி நடத்தினார்‌. தமிழ்‌ நாட்டில்‌ புதிய வரலாறு படைத்தார்‌.

புரட்சித்‌ தலைவர்‌ எம்‌.ஜி.ஆர்‌. அவர்கள்‌ நமக்கு அளித்த மாபெரும்‌ கொடையாக, இந்த இயக்கத்தை வழிநடத்த வந்த தேவதையாக புரட்சித்‌ தலைவி அம்மா அவர்கள்‌, புரட்சித்‌ தலைவரின்‌ பாதையில்‌ பொற்கால ஆட்சி நடத்தினார்கள்‌. புரட்சித்‌ தலைவி அம்மா அவர்களின்‌ கடுமையான உழைப்பாலும்‌, நிகரற்ற ஆற்றலாலும்‌, வியத்தகு அறிவாலும்‌ அனைத்திந்திய அண்ணா திராவிட முன்னேற்றக்‌ கழகம்‌ மகத்தான அரசியல்‌ இயக்கமாகவும்‌, மக்கள்‌ பணிகளில்‌ எல்லோருக்கும்‌ எடுத்துக்காட்டாக விளங்கும்‌ ஆட்சியைத்‌ தரத்தக்க இலக்கணம்‌ அறிந்ததாகவும்‌ விளங்கிக்‌ கொண்டிருக்கிறது.

தமிழ்நாட்டில்‌ இதுவரை 29 ஆண்டுகள்‌ பொற்கால ஆட்சி நடத்தி மக்களுக்குத் தொண்டாற்றி வருவதோடு, இன்னும்‌ பலநூறு ஆண்டுகள்‌ மக்களுக்குத்‌ தொண்டாற்ற இருக்கும்‌ அனைத்திந்திய அண்ணா திராவிட முன்னேற்றக்‌ கழகத்தின்‌ பணிகள்‌ வரலாற்றுப்‌ பொன்னேடுகளில்‌ காலமெல்லாம்‌ மின்னிக்‌ கொண்டிருக்கும்.

புரட்சித் தலைவர் எம்ஜிஆர் புரட்சித் தலைவி அம்மா ஆகியோரின் வழியில் பயணிக்கும்‌ அவர்களது அன்பு உடன்பிறப்புகளான நாம்‌, நம்‌ இருபெரும்‌ தலைவர்களின்‌ மறைவுக்குப்‌ பிறகு நம்முடைய ஒற்றுமை உணர்வாலும்‌, திறன்மிகு உழைப்பாலும்‌, அவர்கள்‌ அமைத்துத்‌ தந்த கழக அரசையும்‌ பொறுப்புணர்வோடு கட்டிக்காத்து வருகிறோம்‌. தமிழ்‌ நாட்டில்‌ வாழுகின்ற மக்கள்‌ அனைவரும்‌ மகிழ்ச்சியுடனும்‌, நிம்மதியுடனும்‌ வாழவேண்டும்‌. கல்வியிலும்‌, பொருளாதார வளர்ச்சியிலும்‌ தமிழ்‌ நாடு உயர்‌ நிலையை அடைய வேண்டும்‌ ஏற்றத்தாழ்வற்ற, சமத்துவ, சமதர்ம சமுதயாம், சமூக நீதிக்‌கொள்கைகளின்‌ அடிப்படையில்‌ இங்கே கட்டி எழுப்பப்பட வேண்டும்‌. “தமிழனென்று சொல்லடா, தலைநிமிர்ந்து நில்லடா” என்ற பெருமிதம்‌ நிலைபெற வேண்டும்‌ என்பவையே கழக அரசு ஓய்வறியாது உழைத்துக் கொண்டிருக்கிறது.

அடுத்த ஆண்டு 2021, நம்‌ அனைவருக்கும்‌ மிக முக்கியமான ஆண்டாக அமையப்‌ போகிறது. புரட்சித்‌ தலைவர்‌ எம்‌.ஜி.ஆர்‌. அவர்களைப்‌ போல, புரட்சித்‌ தலைவி அம்மா அவர்களைப்‌ போல, நம்‌ இருபெரும்‌ தலைவர்களின்‌ ஆன்பு உடன்பிறப்புகளான நாமும்‌ தேர்தல்‌ களத்தில்‌ தொடர்‌ வெற்றி காண அயராது உழைப்போம்‌. அனைத்திந்திய அண்ணா திராவிட முன்னேற்றக்‌ கழகத்தின்‌ பொன்விழா கொண்டாட்டத்தின்‌ போது, கழகமே ஆட்சிக்‌ கட்டிலில்‌ அமர்ந்திருக்கும்‌ மகத்தான வரலாற்றுச்‌ சாதனையை படைப்போம்‌. வாருங்கள்‌ உடன்பிறப்புகளே, நம்‌ பணிகளை இன்றே தொடங்குவோம்‌’ என்று அன்போடு
அழைக்கிறோம்‌.

‘புரட்சித்‌ தலைவர்‌ எம்‌.ஜி.ஆர்‌. அவர்களின்‌ பிறந்த நாள்‌ நூற்றாண்டு விழாவின்போது, அவர்‌ தொடங்கிய கழகம்‌ ஆட்சியில்‌ இருக்கும்‌’ என்று புரட்சித்‌ தலைவி அம்மா அவர்கள்‌ 2015-ஆம்‌ ஆண்டு சூளுரைத்து செய்து காட்டினார்கள்‌. அதைப்‌ போலவே, அனைத்திந்திய அண்ணா திராவிட முன்னேற்றக்‌ கழகத்தின்‌ பொன்விழா ஆண்டில்‌, கழக ஆட்சியே தொடரும்‌ என்று நாமும்‌ சபதம்‌ ஏற்று செய்து முடிப்போமாக. அனைத்திந்திய அண்ணா திராவிட முன்னேற்றக்‌ கழகத்தை, புரட்சித்‌ தலைவர்‌ எம்‌.ஜி.ஆர்‌. அவர்கள்‌ தொடங்கிய நாளில்‌ இருந்து இன்று வரை, கழகத்திற்காக தங்கள்‌ உடல்‌, பொருள்‌, ஆவி அனைத்தையும்‌ வழங்கி, அனைத்திந்திய அண்ணா திராவிட முன்னேற்றக்‌ கழகத்தைக்‌ கட்டிக்காத்த தியாகிகளை நன்றியுடன்‌ நினைவு கூர்கிறோம்‌.

கழகத்தின்‌ பொன்விழா ஆண்டு நோக்கி புதுப்‌ பயணம்‌ தொடங்குவோம்‌ ! கழகத்தின்‌ பொற்கால ஆட்சி என்றும்‌ தொடர குளுரைப்போம்‌ !, எனக் குறிப்பிட்டுள்ளனர்.

Views: - 42

0

0