சிபிசிஐடி வசம் சிக்கிய முக்கிய ஆதாரம் : திமுக எம்பிக்கு காவல் நீட்டிப்பு… நீதிமன்றம் அதிரடி உத்தரவு

Author: Babu Lakshmanan
27 October 2021, 2:20 pm
cuddalore mp ramesh - updatenews360
Quick Share

கடலூர் : முந்திரி ஆலை தொழிலாளியை கொலை செய்த வழக்கில் கடலூர் திமுக எம்பி ரமேஷுக்கு நீதிமன்றக் காவலை மேலும் நீட்டித்து கடலூர் நீதிமன்றம் உத்தரவிட்டுள்ளது.

கடலூர் மாவட்டம் பணிக்கன்குப்பத்தில் திமுக எம்.பி. ரமேசுக்கு சொந்தமான காயத்ரி முந்திரி ஆலையில் பணியாற்றி வந்த கோவிந்தராசு என்பவர் கடந்த செப்.,20ம் தேதி கொலை செய்யப்பட்டார். திமுக எம்பி ரமேஷ் மற்றும் அவரது நெருங்கிய நபர்கள் சேர்ந்து, கோவிந்தராசுவை அடித்தும், விஷம் கொடுத்தும் கொன்றதாகக் கூறப்படுகிறது.

DMK mp ramesh - updatenews360

இது தொடர்பாக சிபிசிஐடி போலீசார் நடத்திய விசாரணையில், திமுக எம்பி ரமேஷ் இந்த கொலையை செய்துள்ளார் என்பதை உறுதி செய்து வழக்கும் பதிவு செய்யப்பட்டது. இந்த வழக்கில் தலைமறைவாக இருந்து வந்த திமுக எம்பி ரமேஷ், பண்ருட்டி நீதிமன்றத்தில் சரணடைந்தார். இதையடுத்து, அவர் சிபிசிஐடி விசாரமணைக்கு பிறகு சிறையில் அடைக்கப்பட்டார்.

dmk mp ramesh - updatenews360

இந்தக் கொலை வழக்கு தொடர்பாக திமுக எம்பி ரமேஷ் மற்றும் ஊழியர்கள் 5 பேரை காவலில் எடுத்து விசாரிக்க அனுமதி கோரி, கடலூர் மாவட்ட முதன்மை நீதிமன்றத்தில் சிபிசிஐடி மனு தாக்கல் செய்தது. இதனை ஏற்றுக் கொண்ட நீதிபதி, அவர்களுக்கு ஒரு நாள் சிபிசிஐடி காவல் விதித்து உத்தரவிட்டது. இதையடுத்து, திமுக எம்பி உள்ளிட்டோரை சிபிசிஐடி போலீசார் தங்களின் கட்டுப்பாட்டில் எடுத்து விசாரணையை தொடங்கியது.

இதனையடுத்து, கடலூர் முதன்மை குற்றவியல் நடுவர் நீதிமன்றத்தில் ஆஜர்படுத்தப்பட்ட அவரை 27ம் தேதி வரை காவலில் வைக்க நீதிபதி பிரபாகரன் உத்தரவிட்டார். இந்நிலையில், இன்று மீண்டும் ரமேஷின் காவலை நவம்பர் 9ம் தேதி வரை நீட்டித்து நீதிபதி உத்தரவிட்டார்.

இந்தக் கொலை வழக்கில் திமுக எம்பியிடம் நடத்தப்பட்ட விசாரணையில் முக்கிய ஆதாரங்கள் சிக்கியதாகவும், மேலும் அவரை காவலில் எடுத்து விசாரணை செய்யும் பட்சத்தில், மேலும் சில ஆதாரங்கள் கிடைக்க வாய்ப்பிருப்பதாக சிபிசிஐடி தரப்பில் தெரிவிக்கப்பட்டுள்ளதாக தகவல் வெளியாகியுள்ளது.

Views: - 209

0

0