இந்தியாவில் முதலீடு செய்ய உலக நாடுகளுக்கு பிரதமர் அழைப்பு

16 June 2021, 7:53 pm
PM_Modi_UpdateNews360
Quick Share

திறமை, சந்தை, மூலதனம் உள்ளிட்ட தூண்களின் அடிப்படையில், இந்தியாவில் முதலீடு செய்ய உலக நாடுகள் முன்வர வேண்டும் என பிரதமர் மோடி தெரிவித்துள்ளார்.

‘விவாடெக்’ தொழில்நுட்ப மாநாட்டில் காணொலி வாயிலாக பிரதமர் மோடி கலந்து கொண்டு பேசினார். அப்போது அவர் பேசியதாவது:- விவாடெக் மாநாடானது, பிரான்சின் தொழில்நுட்ப கொள்கையை விளக்குகிறது. பல விவகாரங்களில் இந்தியாவும், பிரான்சும் இணைந்து செயல்படுகிறது. அதில், தொழில்நுட்பம் மற்றும் டிஜிட்டல் ஆகியவை ஒத்துழைப்பிற்கான முக்கிய துறையாக மாறி வருகிறது. இந்த நேரத்தில் இது முக்கியமானது. கொரோனா பெருந்தொற்று காலத்தில், அனைத்து நாடுகளும் இழப்புகளை சந்தித்துள்ளன. எதிர்காலம் பற்றிய அச்சத்தில் உள்ளன.

நமது வழக்கமான நடைமுறைகளுக்கு கொரோனா பெரிய சோதனையை ஏற்படுத்தி உள்ளது.தொழில்நுட்பம் மற்றும் ஸ்டார்ட் அப்களில் இந்தியாவின் முன்னேற்றங்கள் நன்கு அறியப்பட்டுள்ளது. உலகின் மிகப்பெரிய ஸ்டார்ட் அப் நிறுவனங்களின் புகலிடமாக இந்தியா உள்ளது. சில நாட்களாக பல நிறுவனங்கள் இங்கு தோன்றி உள்ளது. முதலீட்டாளர்கள் மற்றும் கண்டுபிடிப்பாளர்களுக்கு தேவையான உதவிகளை இந்தியா வழங்கி உள்ளது.உலகம் முழுவதும் இந்திய தொழில்நுட்ப வல்லுநர்கள் சிறந்து விளங்குகின்றனர்.

இந்தியாவில் டேட்டா நுகர்வு அதிகமாக உள்ளது. பெருந்தொற்று காலத்தில் தொழில்நுட்பம் நமக்கு மிகவும் உதவியது. தொற்றால் பாதிக்கப்பட்டவர்களை விரைவில் கண்டறிய ஆரோக்கிய சேது செயலி உதவியது.ஏழைகளுக்கு நிதியுதவி அளிப்பதில் ஆதார் கார்டு பெரிதும் பயன்பட்டது. கொரோனாவுக்கு எதிராக இரண்டு தடுப்பூசிகள் கண்டுபிடிக்கப்பட்டு உள்ளன. இன்னும் சில தடுப்பூசிகள் விரைவில் வர உள்ளன. திறமை, சந்தை, மூலதனம், சூழல் அமைப்பு மற்றும் திறந்த கலாசாரம் ஆகிய 5 தூண்களின் அடிப்படையில் இந்தியாவில் முதலீடு செய்ய வேண்டும் என உலக நாடுகளுக்கு அழைப்பு விடுக்கிறேன்.இவ்வாறு அவர் பேசினார்.

Views: - 119

0

0