பிரிக்ஸ் மாநாடு நாளை தொடக்கம் : பிரதமர் மோடி பங்கேற்பு!!

16 November 2020, 6:39 pm
PM_Modi_UpdateNews360
Quick Share

5 நாடுகளின் தலைவர்கள் பிரிக்ஸ் மாநாடு பிரேசிலில் நாளை நடக்கிறது. இதில் பிரதமர் மோடி கலந்து கொள்ள உள்ளார்.

பிரேஷில், ரஷியா, இந்தியா, சீனா மற்றும் தென்னாப்ரிக்கா ஆகிய 5 நாடுகளின் கூட்டமைப்பு பிரிக்ஸ் எனப்படும். இந்த கூட்டமைப்பின் மாநாடு ஆண்டுதோறும் கூடி, சர்வதேச அளவிலான பிரச்சனைகள் குறித்து ஆலோசனை நடத்தும். கடந்த ஆண்டு இந்த அமைப்பின் 11வது மாநாடு பிரேசிலில் நடந்தது. இந்த ஆண்டு ரஷ்யாவில் நடைபெறுவதாக இருந்தது. ஆனால், கொரோனா அச்சுறுத்தல் காரணமாக, இந்த மாநாடு காணொளி காட்சியின் மூலம் நடக்கும் என அறிவிக்கப்பட்டது.

அதன்படி, நாளை பிரிக்ஸ் மாநாடு நடக்கவிருக்கிறது. இந்த மாநாட்டில் கலந்து கொள்ளுமாறு பிரதமர் மோடிக்கு, ரஷ்ய அதிபர் புடின் அழைப்பு விடுத்துள்ளார். இந்த அழைப்பை பிரதமர் மோடி ஏற்றுக்கொண்டுள்ளதாக வெளியுறவுத்துறை அமைச்சகம் தெரிவித்துள்ளது.

இந்த மாநாட்டில், உலக நிலைத்தன்மை, பாதுகாப்பு மற்றும் புதுமையான வளர்ச்சி தொடர்பான தலைப்புகளில் விவாதம் நடைபெற உள்ளது. மேலும், கொரோனா வைரஸ், பயங்கரவாத தடுப்பு, வர்த்தகம், சுகாதாரம், மின்சக்தி, பிரிக்ஸ் நாடுகளுக்கு இடையேயான உறவுகள் குறித்தும் ஆலோசிக்கப்பட இருக்கிறது.

Views: - 21

0

0

1 thought on “பிரிக்ஸ் மாநாடு நாளை தொடக்கம் : பிரதமர் மோடி பங்கேற்பு!!

Comments are closed.