பைபர் படகுகளுக்கு இனி பெட்ரோல் வேண்டாம் : மீனவர்களின் அற்புதமான யோசனை.. குவியும் வரவேற்பு!!

Author: Udhayakumar Raman
27 October 2021, 4:58 pm
Quick Share

மயிலாடுதுறை: தரங்கம்பாடியில் எரிவாயு பயன்படுத்தி பைபர் படகை இயக்கி மீனவர்கள் சோதனை செய்தனர்.மேலும் மீனவர்களுக்கு மானிய விலையில் எரிவாயு வழங்க அரசுக்கு கோரிக்கையும் விடுத்துள்ளனர்.

மயிலாடுதுறை மாவட்டம் தரங்கம்பாடியில் 5 ஆயிரத்திற்கு மேற்பட்ட மீனவர்கள் வசித்து வருகின்றனர்.இங்கு அமைந்துள்ள மீன்பிடி துறைமுகத்தில் இருந்து 400 க்கும் மேற்பப்பட்ட பைபர் படகுகளை பயன்படுத்தி மீன்பிடி தெழில் செய்து வருகின்றனர். இந்த பைபர் படகுகளில் டீசலால் இயங்கும் லம்பாடி இஞ்சின் பயன்படுத்தி இயக்கி வந்தனர்.இதனை இயக்கும் போது நின்று கொண்டே இயக்குவதாலும் அலைகளின் தாக்கத்தின் போது அதன் விசை அழுத்தம் முழுவதும் மீனவர்கள் மீதே தாக்குவதாலும் அதிக அதிர்வுகளால் மீனவர்கள் உடல் வலி ,எலும்பு தேய்மானம் என பல்வேறு பாதிப்புகளுக்கு ஆளாகினர். இதனால் லம்பாடி இஞ்சினுக்கு மாற்றாக மீனவர்கள் பெட்ரோலில் இயங்கும் அதிர்வில்லாத சுசுக்கி இஞ்சினுக்கு மாறி வருகின்றனர். தற்போதைய பெட்ரோல் விலை உயர்வு மீனவர்களை கலக்கமடைய செய்துள்ளதால் இதற்கு மாற்றாக எரிவாயு கொண்டு படகு இஞ்சினை இயக்க முடிவு செய்தனர்.

அதன்படி மீனவர் தெய்வராஜ் தனது இஞ்சின் படகை எரிவாயுவின் மூலம் இயங்குமாறு வடிவமைக்க வேண்டி தரங்கம்பாடி ஹைடெக் ஆராய்சி நிறுவனத்தை அனுகினார். மீனவரின் விருப்பத்தை அடுத்து ஹைடெக் ஆராய்ச்சி நிறுவனம் மற்றும் மெக்கானிக் சுரேஷ் என்பவரும் இணைந்து 1 மாத உழைப்பில் முழுவதும் எரிவாயுவால் இயங்கும் வகையில் பிரத்யோக அமைப்புகள் உருவாக்கி இஞ்சினை மாற்றம் செய்தனர். மேலும் கடலில் தொடர்ந்து பலமணிநேரம் இயக்கி சோதனை செய்தனர். பெட்ரோல் கொண்டு இயக்கினால் கடலீல் 1 நாட்டிக்கல் செல்ல 45 முதல் 50 ரூபாய் செலவாகும் நிலையில், எரிவாயு மூலம் இயக்கினால் 20 ரூ மட்டுமே செலவானதை உறுதிபடுத்திய மீனவர் தெய்வராஜ் மற்றும் ஹைடெக் ஆராய்ச்சி நிறுவனத்தார் சக மீனவர்கள் மத்தில் பரிசோதித்து காண்பித்தனர்.

எந்த வித அதிர்வும் சப்தமும் இல்லாமல் படகு தடையின்றி இயங்குவதாலும் எரிபொருள் செலவீனம் பாதிக்கு பாதி குறைவதாலும் மீனவர்கள் மகிழ்ச்சியடைந்தனர். மேலும் இந்த வகை படகு இஞ்சினுக்கு உரிய அனுமதி வழங்கவும் இஞ்சின் மற்றும் எரிவாயுவை மானிய விலையில் வழங்க வேண்டும் என தரங்கம்பாடி மீனவர்கள் அரசுக்கு கோரிக்கை விடுத்துள்ளனர்.

Views: - 115

0

0