மன அழுத்தம் காரணமாக ரயில்வே மேஸ்திரி வீடியோ வெளியிட்டு தற்கொலை…! மனைவி பரபரப்பு புகார்!!

Author: kavin kumar
21 October 2021, 8:34 pm
Quick Share

விருதுநகர்: தென்னக ரயில்வேயில் மேஸ்திரியின் தற்கொலைக்கு காரணமான உயர் அதிகாரிகள் மீது நடவடிக்கை எடுக்கக் கோரி மனைவி மற்றும் குடும்பத்தினர் விருதுநகர் மாவட்ட காவல் கண்காணிப்பாளர் அலுவலகத்தில் புகார் அளித்தனர்.

விருதுநகர் மாவட்டம் காரியாபட்டி அருகே உள்ள மாந்தோப்பு கிராமத்தை சேர்ந்தவர் லிங்கம். இவருக்கு திருமணமாகி விஜயலட்சுமி என்ற மனைவியும் லாவண்யா ராஜேஸ்வரி என்ற இரு மகள்களும் உள்ளனர். தென்னக ரயில்வேயில் டிஎம் 1னில் மேஸ்திரி ஆக பணிபுரிந்து வருகிறார். இவருக்கும் தென்னக ரயில்வேயில் பணிபுரிந்து வரும் ரமேஷ் மற்றும் பாலமுருகன் இருவரும் இணைந்து அதிக பணி சுமை இவர்மீது செலுத்துவதாக கூறியும் மன உளைச்சலை ஏற்படுத்தியதாக கூறப்படுகிறது. மேலும் மேலதிகாரியான ரமேஷ் தூத்துக்குடியில் உள்ள ரயில்வே போலீஸ் இடம் லிங்கம் மீது பொய் புகார் ஒன்று கொடுத்ததாகவும், கூறப்படுகிறது. இதையடுத்து அதிக மன உளைச்சல் இருந்த லிங்கம் கடந்த 13ம் தேதி வீட்டில் விஷம் அருந்தி தற்கொலைக்கு முயற்சி செய்துள்ளார்.

தற்கொலைக்கு முயற்சி செய்யும் முன்பு தனது தற்கொலைக்கு மேலதிகாரியான ரமேஷ் மற்றும் பாலமுருகன் காரணமென வீடியோ ஒன்றையும் பதிவு செய்து வைத்துவிட்டு தற்கொலைக்கு முயன்றுள்ளார். அருகில் இருந்த நபர்கள் அவரை மீட்டு சிகிச்சைக்கு அரசு மருத்துவமனையில் அனுமதித்துள்ளனர்.அங்கு முதலுதவி செய்யப்பட்டு மதுரை ராஜாஜி மருத்துவமனைக்கு அனுப்பப்பட்ட லிங்கம் 14ஆம் தேதி காலை 5 மணியளவில் சிகிச்சை பலனின்றி உயிரிழந்துள்ளார். தனது கணவரின் இழப்பிற்கு மேலதிகாரியான ரமேஷ் மற்றும் பாலமுருகன் காரணம் எனவும், இதுகுறித்து தனது கணவர் பதிவிட்டுள்ள வீடியோவை ஆதாரமாக கொண்டு அவர் மீது உரிய நடவடிக்கை எடுக்க வேண்டும் என கோரி லிங்கத்தில் மனைவி விஜயலட்சுமி மற்றும் அவரது மகள்கள் விருதுநகர் மாவட்ட காவல் கண்காணிப்பாளர் அலுவலகத்தில் புகார் அளித்தனர்.

Views: - 152

0

0