கொரோனாவால் பெற்றோரை இழந்த குழந்தைகளுக்கு நிவாரண நிதி வழங்கிய அமைச்சர்கள்

Author: Udhayakumar Raman
25 July 2021, 2:31 pm
Quick Share

திருச்சி: திருச்சி திருச்சியில் கோவிட் தொற்று காரணமாக பெற்றோரை இழந்த குழந்தைகளுக்கு தமிழ்நாடு முதல்வரால் அறிவிக்கப்பட்ட நிவாரண நிதியின் கீழ் நான்கு குழந்தைகளுக்கு முதல் கட்டமாக 3 லட்சம் வீதம் காசோலை வழங்கப்பட்டது.

திருச்சி மத்திய பேருந்து நிலையத்தில் உள்ள கலையரங்கத்தில் நகராட்சி நிர்வாகம் மற்றும் குடிநீர் வடிகால் வாரிய துறையின் கீழ் திருச்சி, புதுக்கோட்டை, அரியலூர், பெரம்பலூர், தஞ்சை, நாகை, திருவாரூர், மயிலாடுதுறை உள்ளிட்ட 8 மாவட்டங்களில் உள்ள மாநகராட்சிகள், நகராட்சிகள், பேரூராட்சிகளின் வளர்ச்சி பணிகள் மற்றும் குடிநீர் வடிகால் வாரியத்தில் தற்போதைய வளர்ச்சி பணிகள் குறித்த ஆய்வுக்கூட்டம் நகரபுற வளர்ச்சித்துறை அமைச்சர் கே.என்.நேரு தலைமையில் நடைபெற்றது. இதில் கூட்டத்தில் தமிழக பள்ளி கல்வித்துறை அமைச்சர் அன்பில் மகேஷ் பொய்யாமொழி, தமிழக சட்டத்துறை அமைச்சர் ரகுபதி,

தமிழக பிற்படுத்தப்பட்டோர் நலத்துறை அமைச்சர் சிவசங்கர், தமிழக சுற்றுச்சூழல் காலநிலை மாற்றம் மற்றும் விளையாட்டு துறை அமைச்சர் மெய்யநாதன், அரசு தலைமை கொறடா கோவி செழியன் மற்றும் துறை சார்ந்த அதிகாரிகள் பங்கேற்றனர். இந்நிகழ்ச்சியில் கோவிட் தொற்று காரணமாக பெற்றோரை இழந்த குழந்தைகளுக்கு தமிழ்நாடு முதல்வரால் அறிவிக்கப்பட்ட நிவாரண நிதியின் கீழ் நான்கு குழந்தைகளுக்கு முதல் கட்டமாக 3 லட்சம் வீதம் காசோலை வழங்கப்பட்டது. இதைத்தொடர்ந்து கருணை அடிப்படையில் அங்கன்வாடி பணியாளருக்கான பணி நியமன ஆணையை 5 நபர்களுக்கு நகர்ப்புற வளர்ச்சித்துறை அமைச்சர் வழங்கினார்.

இக்கூட்டத்தில் நகராட்சி நிர்வாகம் மற்றும் குடிநீர் வழங்கல் துறை கூடுதல் தலைமைச் செயலாளர் சிவதாஸ்மீனா, குடிநீர் வடிகால் வாரிய மேலாண்மை இயக்குனர் தட்சிணாமூர்த்தி, மயிலாடுதுறை பாராளுமன்ற உறுப்பினர் ராமலிங்கம், திருச்சி மாவட்ட ஆட்சியர் சிவராசு, திருச்சி மாநகராட்சி ஆணையர் முஜிபுர் ரகுமான், சட்டமன்ற உறுப்பினர்கள் சௌந்தரபாண்டியன் ஸ்டாலின்குமார், காடுவெட்டி தியாகராஜன், இனிகோ இருதயராஜ், கதிரவன், அப்துல்சமத், ஜவாஹிருல்லா உள்ளிட்ட பலர் கலந்து கொண்டனர்.

Views: - 141

0

0