உரிய ஆவணங்கள் இன்றி கொண்டுவந்த ரூ.2 லட்சத்து 16 ஆயிரத்து 600 ரொக்கம் பறிமுதல்

Author: Udhayakumar Raman
14 March 2021, 7:50 pm
Quick Share

ஈரோடு: கோபிசெட்டிபாளையம் சட்டமன்ற தொகுதிக்குட்பட்ட பெரிகொரவம்பாளையம் பகுதியில் தேர்தல் பறக்கும் படையினர் நடத்திய வாகன சோதனையில் இருசக்கர வாகனத்தில் சண்முகசுந்தரம் என்பவர் உரிய ஆவணங்கள் இன்றி கொண்டுவந்த ரூ.2 லட்சத்து 16 ஆயிரத்து 600 ரொக்கத்தை பறிமுதல் செய்தனர்.

ஈரோடு மாவட்டம் கோபிசெட்டிபாளையம் சட்டமன்ற தொகுதிக்குட்பட்ட நாகவேதன்பாளையம் ஊராட்சி பெரியகொரவம்பாளையம் பகுதியில் தேர்தல் பறக்கும்படை சி பிரிவினர் வாகன சோதனையில் ஈடுபட்டிருந்த போது இவ்வழியாக வந்த இருசக்கர வாகனத்தை நிறுத்தி சோதனை மேற்கொண்டனர். அதில் உரிய ஆவணங்கள் இன்றி ரூ.2 லட்சத்து 16 ஆயிரத்து 600 ரொக்கம் இருந்தது தெரியவந்தது. இருசக்கர வாகனத்தில் வந்தவர் கோபிசெட்டிபாளையம் புதுப்பாளையம் பகுதியை சேர்ந்த சண்முகசுந்தரம் என்பதும், பிரபல மசால நிறுவனத்தின் விற்பனை பிரதிநிதியாக உள்ளதாகவும்,

கிராப்புறங்களில் உள்ள மளிகைக்கடைகளில் மசாலா பொருட்கள் விற்பனை செய்யப்பட்ட தொகையை வசூல் செய்துவருவதாகவும் தெரிவித்துள்ளார். ஆனால் மளிகைக்கடைகளில் வசூல் செய்யப்பட்டதற்கான உரிய ஆவணங்கள் இல்லாததினால் அப்பணத்தை தேர்தல் பறக்கும் படை அதிகாரி சந்திரசேகரன் மற்றும் காவல் உதவி ஆய்வாளர் ஜெகதீஸ்வரன் ஆகியோர் கொண்ட குழுவினர் பறிமுதல் செய்தனர். பறிமுதல் செய்யப்பட்ட தொகையை கோபிசெட்டிபாளையம் கோட்டாட்சியரும் தேர்தல் நடத்தும் அலுவலருமான பழனிதேவியிடம் ஒப்படைத்தனர்.

Views: - 39

0

0