நேபாள எல்லைக்குள் அத்துமீறி கட்டிடங்களை எழுப்பிய சீனா..! வழக்கம் போல் மௌனம் காக்கும் நேபாள கம்யூனிஸ்ட் அரசு..!

20 September 2020, 6:40 pm
humla_region_updatenews360
Quick Share

ஹம்லாவின் லாப்சா-லிமி பகுதியில் சட்டவிரோதமாக ஒன்பது கட்டிடங்களை நிர்மாணிப்பதன் மூலம் சீனா நேபாள பிரதேசத்தை ஆக்கிரமித்துள்ளது வெட்ட வெளிச்சமாகியுள்ளது.

ஆகஸ்ட் 30 முதல் செப்டம்பர் 9 வரை ஹம்லாவைச் சேர்ந்த உதவி தலைமை மாவட்ட அதிகாரி தல்பஹதூர் ஹமால் சமீபத்தில் நடத்திய விசாரணையில் நேபாள எல்லைக்குள் சீனா அத்துமீறி நுழைந்ததை வெளிப்படுத்தியதாக நேபாள ஆங்கில ஊடகமான கபார்ஹப் தெரிவித்துள்ளது.

சீனாவால் கட்டப்பட்டு வரும் அங்கீகரிக்கப்படாத கட்டிடங்களின் தகவல்களை உள்ளூர்வாசிகள் தெரிவித்ததையடுத்து உதவி தலைமை மாவட்ட அதிகாரி அந்த இடத்தை பார்வையிட்டார்.

ஹம்லாவின் லாப்சா-லிமி பகுதியில் ஒன்பது கட்டிடங்கள் :
கண்காணிப்பு குழுவின் உறுப்பினரை மேற்கோள் காட்டி கபார்ஹப், “நாங்கள் கட்டிடங்களை தூரத்திலிருந்தே பார்க்க முடிந்தது. சீனாவால் அங்கு கட்டப்படும் ஒரு கட்டிடம் பற்றிய வதந்திகளை நாங்கள் கேள்விப்பட்டோம், ஆனால் எங்கள் ஆய்வில் மேலும் எட்டு பேர் கட்டிடங்கள் கட்டப்படுவது தெரிய வந்துள்ளது.” எனக் கூறியுள்ளது.

இந்த விவகாரம் நேபாள உள்துறை அமைச்சகம் மற்றும் வெளியுறவு அமைச்சகத்திற்கு தெரிவிக்கப்பட்டுள்ளது.

முன்னதாக கடந்த ஜூன் மாதத்தில், நேபாள அரசாங்கத்தின் அறிக்கை நேபாள நிலத்தை ஆக்கிரமிக்க திபெத்தில் சாலை கட்டுமானத்தை சீனா பயன்படுத்துகிறது என்றும் எதிர்காலத்தில் எல்லை புறக்காவல் நிலையங்களை நிறுவலாம் என்றும் கூறியது.

நேபாளத்தின் வேளாண் துறை அமைச்சகம், சீனா சுமார் 33 ஹெக்டேர் நிலப்பரப்பை உள்ளடக்கிய 10 இடங்களை ஆக்கிரமித்துள்ளது என்றும் மேலும் அதன் நிலப்பரப்பை அதிகரிக்க ஆறுகளின் ஓட்டத்தையும் திசை திருப்பி வருகிறது என்றும் கூறியிருந்தது.

திபெத் தன்னாட்சி பிராந்தியத்தில் தனது சாலை வலையமைப்பை விரிவுபடுத்துவதற்காக சீனா நேபாளத்தை நோக்கி பாயும் ஆறுகளின் போக்கை மாற்றி வருவதாக தொடர்ந்து புகார் தெரிவிக்கப்பட்டு வருகிறது.

சீன அத்துமீறலில் மௌனம் காக்கும் கே.பி. சர்மா ஒலி :
அரசாங்க அறிக்கையின் பின்னர், எதிர்க்கட்சியான நேபாளி காங்கிரஸ், கேபி ஷர்மா ஒலி அரசாங்கத்தை சீனாவுடன் பேச்சுவார்த்தை நடத்துவதன் மூலம் ஆக்கிரமிக்கப்பட்ட பிரதேசத்தை மீண்டும் கொண்டு வருமாறு வலியுறுத்தியது,.ஆனால் இதுவரை பிரதமர் இந்த விவகாரம் குறித்து எதுவும் கூறவில்லை.

செயலாளருக்கு, பிரதிநிதிகள் சபைக்கு எழுதிய கடிதத்தில், தோலகா, ஹம்லா, சிந்துபால் சௌக், கோர்கா மற்றும் ரசுவா போன்ற பல்வேறு மாவட்டங்களின் 64 ஹெக்டேர் நிலத்தை சீனா ஆக்கிரமித்துள்ளதாக எதிர்க்கட்சியான நேபாளி காங்கிரஸ் கூறியது.

இந்நிலையில் நாடுகடத்தப்பட்ட திபெத்திய அரசாங்கத்தின் தலைவர் லோப்சாங் சங்கே நேபாளம் மற்றும் பிற ஆசிய நாடுகளை எச்சரித்தார். திபெத்தின் ஆக்கிரமிப்புடன், 60’களில், சீனத் தலைமை திபெத் பனை என்பதையும், அதன் 5 விரல்களான லடாக், நேபாளம், பூட்டான், சிக்கிம் மற்றும் அருணாச்சலப் பிரதேசத்தை அடைய முயலும் என்பதையும் தெளிவுபடுத்தியது.

லடாக் மற்றும் நேபாளத்தில் சீனாவின் சமீபத்திய ஆக்கிரமிப்பு தனது ஐந்து விரல் திட்டத்தை நிறைவேற்ற திட்டமிட்டுள்ளது என்பதை நிரூபிக்கிறது என சங்கே மேலும் கூறினார்.