கொலை வழக்கிலிருந்து விடுதலைப் புலிகள் அமைப்பின் முன்னாள் உறுப்பினர் விடுதலை..!

13 January 2021, 7:45 pm
Sri_Lanka_Sivanesathurai_UpdateNews360
Quick Share

இலங்கையின் நீண்ட உள்நாட்டு யுத்தத்தின் உச்சத்தில் ஒரு தமிழ் சட்டமன்ற உறுப்பினரைக் கொன்ற வழக்கில் ஈடுபட்டதாகக் குற்றம் சாட்டப்பட்ட ஒரு கிளர்ச்சியாளராக இருந்து நாடாளுமன்ற உறுப்பினராக தேர்ந்தெடுக்கப்பட்ட நபரை இலங்கை நீதிமன்றம் இன்று குற்றமற்றவர் எனக் கூறி விடுவித்தது.

கடந்த ஆகஸ்ட் மாத நாடாளுமன்றத் தேர்தலில் காவலில் இருந்த நிலையிலேயே வெற்றிபெற்ற சிவனேசதுரை சந்திரகாந்தனை கிழக்கு நகரமான மட்டக்களப்பு நீதிமன்றம் விடுவித்தது. இவர் ஜனாதிபதி கோத்தபய ராஜபக்ஷவை ஆதரிக்கும் ஒரு கட்சியின் எம்பியாக தற்போது உள்ளார் என்பது குறிப்பிடத்தக்கது.

மேலும் 4 பேரும் இந்த வழக்கிலிருந்து விடுவிக்கப்பட்டனர்.

சந்திரகாந்தன் மீதான வழக்கைத் தொடர விரும்பவில்லை என்று சட்டமா அதிபர் துறை இந்த வார தொடக்கத்தில் நீதிமன்றத்தில் தெரிவித்ததை அடுத்து இந்த  வந்துள்ளதாகக் கூறப்படுகிறது.

இலங்கையின் வடக்கு மற்றும் கிழக்கில் ஈழத் தமிழருக்கு ஒரு சுதந்திர அரசை உருவாக்க கால் நூற்றாண்டு கால உள்நாட்டுப் போரை நடத்திய எல்டிடிஇ அமைப்பின் முன்னாள் உறுப்பினர் சந்திரகாந்தன் ஆவார். பின்னர் அவர் 2004’இல் கிளர்ச்சிக் குழுவில் ஏற்பட்ட மிகப்பெரிய பிளவிலிருந்து வெளிவந்த ஒரு துரோகி பிரிவில் சேர்ந்தார் மற்றும் அரசாங்கப் படைகளை ஆதரிக்கும் ஒரு துணை ராணுவக் குழுவில் செயல்பட்டார்.

பின்னர் தேர்தல் அரசியலில் நுழைந்து கிழக்கு மாகாணத்தின் அரசாங்க ஆதரவுடைய முதலமைச்சரானார்.

தற்போதைய ஜனாதிபதியின் மூத்த சகோதரரான அப்போதைய ஜனாதிபதி மஹிந்த ராஜபக்ஷவின் தேர்தல் தோல்வியுடன், 2005’ல் மட்டக்களப்பு தேவாலயத்தில் நள்ளிரவு கிறிஸ்துமஸ் சேவையின் போது கிளர்ச்சியாளர்களின் ஆதரவுடைய தமிழ் சட்டமன்ற உறுப்பினர் ஜோசப் பரராஜசிங்கத்தை சுட்டுக் கொன்ற வழக்கில் சந்திரகாந்தன் கைது செய்யப்பட்டார். .

ஜனாதிபதி கோத்தபய ராஜபக்ஷ 2019’ல் தனது பிரச்சாரத்தின்போது போர்க்கால முறைகேடுகளில் குற்றம் சாட்டப்பட்ட ஆயுதப்படை உறுப்பினர்களை விடுவிப்பதாக உறுதியளித்தார். கடந்த மார்ச் மாதம், 5 வயது சிறுவன் உட்பட எட்டு பொதுமக்களைக் கொன்றதற்காக மரண தண்டனை விதிக்கப்பட்ட ஒரு ராணுவ வீரருக்கு அவர் மன்னிப்பு வழங்கியது குறிப்பிடத்தக்கது.

Views: - 12

0

0