எண்ணெய் தடவிய தலைமுடியை காலை வரை அப்படியே விடலாமா???

Author: Hemalatha Ramkumar
29 June 2022, 5:46 pm
Quick Share

தலைமுடிக்கு எண்ணெய் தடவுவது என்பது எப்போதும் முடி பராமரிப்பு வழக்கத்தின் ஒரு முக்கிய அங்கமாக கருதப்படுகிறது. நமது தாய்மார்கள் மற்றும் பாட்டிமார்கள் எப்போதும் எண்ணெய் மசாஜ் செய்வதே நீண்ட மற்றும் ரம்மியமான முடியின் ரகசியம் என்று நம்புகிறார்கள். இருப்பினும், ஒரு இரவு முழுவதும் தலைமுடியில் எண்ணெயை விடலாமா வேண்டாமா என்பதில் இருவேறு கருத்துக்கள் நிலவுகிறது. ஒரு இரவு முழுவதும் முடி எண்ணெயை விட்டுவிடுவதற்கான பாரம்பரிய கருத்து ஆயுர்வேதம் பரிந்துரைப்பதில் இருந்து வேறுபட்டதாக இருக்கலாம். பழங்கால மருத்துவ நடைமுறையில், உங்கள் தலைமுடிக்கு எண்ணெய் தடவியவுடன் உங்கள் தலைமுடியைக் கழுவ வேண்டும் என்று பரிந்துரைக்கிறது.
எண்ணெயை இரவு முழுவதும் விடுவது தவிர்க்கப்பட வேண்டும்.

உங்கள் உடலின் சூடு ஏற்றத்தாழ்வுகளைப் பொறுத்து ஒருவர் 30 முதல் 45 நிமிடங்களுக்கு மேல் முடி எண்ணெயை விடக்கூடாது. எண்ணெய் தடவி முடித்தவுடன் தலைக்கு குளிக்க வேண்டும்.

இந்தியா ஒரு வளமான கலாச்சாரத்தைக் கொண்டுள்ளது மற்றும் ஆயுர்வேதம் பழங்காலத்திலிருந்தே நமது கலாச்சாரத்துடன் நன்றாகப் பின்னிப்பிணைந்துள்ளது. ஆங்கிலேயர் ஆட்சிக்கு முன்னர் இந்தியாவில் ஆயுர்வேதம் பரவலாக நடைமுறையில் இருந்தது. இருப்பினும், ஆங்கிலேயர் ஆட்சியின் போது, ​​குறிப்பாக வட இந்தியாவில் ஆயுர்வேதம் நிறைய பின்னடைவைச் சந்தித்தது.

தென்னிந்தியாவில், கேரளாவில் உள்ள 8 ஆயுர்வேத குடும்பங்கள் ஆங்கிலேயர்களின் எதிர்ப்பை மீறி ஆயுர்வேதத்தை தொடர்ந்து பயிற்சி செய்து வந்தனர். அதனால்தான், இன்றும், இந்தியாவின் மற்ற மாநிலங்களை விட கேரளா ஆயுர்வேதத்தில் சிறந்து விளங்குகிறது. ஆகவே உங்கள் உடல் நிலையைப் பொறுத்து ஒருவர் தலையில் எண்ணெயை வைக்கும் நேரம் மாறுபடும்.

Views: - 87

0

0