இது ஹீரோயின் சப்ஜெக்ட் .. படம் ஓடாது.. வேண்டா வெறுப்பாக நடித்த விஜய்.. ஆனால், படம் சூப்பர் ஹிட்..!

தமிழ் சினிமாவின் முன்னணி நடிகராக இருந்து வரும் விஜய் ஆரம்பத்தில் தனது அப்பாவின் உதவியால் இந்த உயரத்தை எட்ட முடிந்தது. விஜய்க்கு ஆரம்பத்தில் அவர் தான் கதைத்தேர்வு செய்வராம். இந்த கதை ஓகே என்றால் அதில் நடிப்பாராம் விஜய். அந்த அளவிற்கு விஜய்யை பார்த்து பார்த்து சினிமாவில் நடிக்க வைத்து உச்சத்தை தொட வைத்துள்ளார் அப்பா SAC.

விஜய்யின் வெற்றிக்காக என்னவேண்டுமானாலும் செய்ய துணிந்தாராம். விஜய்க்கு பாரதிராஜா போன்ற பெரிய இயக்குனர்களின் படங்களில் நடிக்க வாய்ப்பு கேட்டு வீட்டு வாசலில் காத்துக்கிடந்த சம்பவமெல்லாம் நடந்துள்ளது. இயக்குனர் ஷங்கரிடம் கூட மகனுக்கு நல்ல வாய்ப்பு ஒன்னு கொடுங்க என கேட்டுள்ளார்.
அப்போதெல்லாம் தானே ஒரு இயக்குனர் என்றாலும் கூட பெரிய இயக்குநர்களின் படங்களில் மட்டும் மகனை நடிக்க வைக்க மிகவும் கஷ்டப்பட்டாராம்.

முன்னதாக, தெலுங்கில் 1996ல் வெளிவந்த படம் தான் பவித்ர பந்தம். இப்படத்தில் வெங்கடேஷ் மற்றும் சௌந்தர்யா முதன்மை கதாபாத்திரத்தில் நடித்து இருந்தனர். பவித்ர பந்தம் படத்தை பார்த்த விஜய்யின் தந்தை SAC படத்தின் தமிழ் ரீமேக் உரிமையை வாங்கியுள்ளார். படத்தை விஜய்க்கு போட்டு காட்டி உள்ளார். ஆனால், விஜய் இது ஹீரோயின் சப்ஜெக்ட் படமாக இருக்கிறது ஓடாது என தெரிவித்து வேண்டா வெறுப்பாக பின் தனது தந்தையின் பேச்சை மீறமுடியாத காரணத்தினால் அப்படத்தில் நடித்துள்ளார்.

உடனடியாக சந்திரசேகர் தன்னுடைய PRO-வை அழைத்து, பிரிந்து சேர்ந்த தம்பதிகள் 10 பேரை தயார் செய்யும்படி கூறி இருக்கிறார். அவர்களை விஜயின் முன் அழைத்து வந்து மாலை மாற்றிக்கொள்ள சொல்லி அதை ப்ரோமோஷனாக வைத்து படத்தினை ஓட்டி இருக்கிறார். படமும் சூப்பர் ஹிட் வெற்றியடைந்துள்ளது. அப்படம் தான் பிரியமானவளே.

Views: - 337

2

0