பீகார் தேர்தல் : உறுதியானது பாஜக கூட்டணி..! ஜே.பி.நட்டா அறிவிப்பு..!

தேசிய ஜனநாயக கூட்டணியில் அங்கம் வகிக்கும் பாஜக, லோக் ஜனசக்தி மற்றும் ஐக்கிய ஜனதா தளம் ஆகிய மூன்று கட்சிகளும் நிதிஷ்குமார் தலைமையில் பீகார் சட்டசபைத் தேர்தலை எதிர்கொள்ள உள்ளதாக பாஜக தலைவர் ஜே.பி.நட்டா இன்று அதிகாரப்பூர்வமாக அறிவித்துள்ளார். தங்கள் கூட்டணி வெற்றி பெற்று மீண்டும் ஆட்சியமைக்கும் என அவர் நம்பிக்கை தெரிவித்துள்ளார்.

நிதிஷ்குமாரின் ஐக்கிய ஜனதா தளம் மற்றும் சிராக் பாஸ்வானின் லோக் ஜனசக்தி இடையே கடுமையான வார்த்தைப் போருக்கு இடையே நட்டா இவ்வாறு கூறியுள்ளது முக்கியத்துவம் பெறுகிறது.

ஆளும் தேசிய ஜனநாயகக் கூட்டணி மாநிலத்தில் அப்படியே உள்ளது என்பதையும், நிதிஷ்குமார் முதலமைச்சர் முகமாக முன்வைக்கப்படுவதையும் பாஜக தக்க வைத்துக் கொண்டுள்ளது. பீகார் மற்றும் பிற இடங்களில் உள்ள எதிர்க்கட்சி காணாமல் போய்விட்டதாகவும், நம்பிக்கையுடன் மக்களால் பார்க்கப்படும் ஒரே கட்சி பாஜக மட்டுமே என்றும் அவர் வலியுறுத்தினார்.

எதிர்க்கட்சிக்கு சித்தாந்தமோ, பார்வையோ, மக்களுக்கு சேவை செய்வதற்கான எந்த எண்ணமும் இல்லை. அவர்களால் மீண்டும் மேலே உயர முடியாது என்றும் அவர் கூறினார்.

கொரோனா தொற்றுநோய் மற்றும் மாநிலத்தில் ஏற்பட்ட வெள்ளத்தை பீகார் அரசு கையாண்டதை அவர் பாராட்டினார்.

பிரதமர் நரேந்திர மோடி அறிவித்த சிறப்பு தொகுப்பு செயல்படுத்தப்பட்டுள்ளது குறித்து, மாநில பாஜக அதன் விவரங்களுடன் மக்களிடம் எடுத்துச் செல்லுமாறு கேட்டுக் கொண்டார்.

தொற்றுநோயை எதிர்த்துப் போராடுவதற்கான சுகாதார நடவடிக்கைகளை அதிகரிப்பதற்கும், மக்களுக்கு, குறிப்பாக ஏழைகளுக்கு பல சிறப்புத் திட்டங்களுடன் நிவாரணம் வழங்குவதற்கும் மோடி அரசாங்கத்தின் பணிகள் பற்றிய விவரங்களையும் நட்டா பகிர்ந்து கொண்டார்.

அக்டோபர்-நவம்பர் மாதங்களில் மாநிலத்தில் சட்டமன்றத் தேர்தல் நடைபெற உள்ளது குறிப்பிடத்தக்கது. முன்னதாக இந்திய தேர்தல் ஆணையம் கொரோனா காலத்தில் தேர்தல் நடத்துவதற்கு விதிகளை வெளியிட்டுள்ள நிலையில், பீகார் சட்டசபைத் தேர்தலுக்கான கூட்டணியை உறுதிசெய்யும் பணிகளில் அனைத்துக் கட்சிகளும் மும்முரமாக இறங்கியுள்ளது.

Updatenews Sekar

See author's posts

Views: - 32

0

0