5 வயது சிறுமி பாலியல் பலாத்காரம்..! குற்றவாளியை அந்தரங்க உறுப்பிலேயே அடித்துக் கொலை செய்த தந்தை..!

22 November 2020, 2:54 pm
Minor_Rape_UpdateNews360
Quick Share

குஜராத்தின் பருச் மாவட்டத்தில் ஒருவர் தனது ஐந்து வயது மகள், 19 வயது இளைஞரால் பாலியல் பலாத்காரம் செய்ததாகக் கூறப்பட்டதைத் தொடர்ந்து, குற்றவாளியை அவரது அந்தரங்க உறுப்பை பலமுறை சித்திரவதை செய்து, கொலை செய்துள்ளார்.

போர்ஹாட்டா கிராமத்தில் வசிக்கும் மைனர் சிறுமி, வெள்ளிக்கிழமை மாலை தனது வீட்டிற்கு வெளியே விளையாடிக்கொண்டிருந்தபோது, ​​அவளுக்கு அருகிலுள்ள வீட்டில் வசித்து வந்த லாலு ராஜு, சாக்லேட்டுகள் மூலம் ஆசை காட்டி, அருகிலுள்ள பொதுக் கழிப்பறைக்கு அழைத்துச் சென்றார். அங்கு அவர் பாலியல் வன்கொடுமை செய்ததாகக் கூறப்படுகிறது.

விவகாரம் எப்படி வெளியே வந்தது ?

அழுதுகொண்டிருந்த பெண் கழிவறையிலிருந்து வெளியே ஓடிவந்தபோது, ​​ராஜுவின் தாய் அவரைப் பார்த்துள்ளார். ராஜு கழிப்பறையிலிருந்து வெளியே வருவதையும் அவர் கவனித்துள்ளார். 

இதனால் அதிர்ச்சியடைந்த குற்றவாளியின் தாய், உடனே சிறுமியை நிறுத்தி சோதனை செய்துள்ளார். அப்போது சிறுமியின் அந்தரங்க பகுதிகளிலிருந்து பெருமளவில் இரத்தப்போக்கு வெளியாவதைக் கண்டு அதிர்ச்சியடைந்துள்ளார். 

மேலும் கழிவறைக்குள் என்ன நடந்தது என்பதை ராஜுவின் தாய் உணர்ந்தார். பின்னர் அவர் ராஜுவை சிறுமியின் தந்தையிடம் அழைத்துச் சென்று குற்றத்தைப் பற்றி விளக்கியுள்ளார்.

சட்டத்தைக் கையிலெடுத்த சிறுமியின் தந்தை :
ராஜுவின் கொடூரமான செயலைப் பற்றி அறிந்ததும் சிறுமியின் தந்தை ஆத்திரமடைந்தார். அவர் ராஜுவை ஒரு குச்சியால் அடித்து, அவரது பிறப்புறுப்புகளில் பல முறை உதைத்து துன்புறுத்தியதால், ராஜு மயக்கமடைந்தார். 

பின்னர் அந்த இளைஞன் மயக்கமடைந்த நிலையில், சிகிச்சைக்காக பருச் சிவில் மருத்துவமனையில் அனுமதிக்கப்பட்டார். ஆனால் சிகிச்சை பலனின்றி மறுநாள் ராஜு உயிரிழந்துவிட்டார்.

இந்த வழக்கு குறித்து பேசிய பருச் துணை போலீஸ் சூப்பிரண்டு சிராக் தேசாய், “ராஜு நேற்று காலை இறந்தார். கற்பழிப்பு மற்றும் கொலை தொடர்பான தனித்தனி புகார்களை நாங்கள் பதிவு செய்துள்ளோம். இருப்பினும், சிறுமியின் தந்தையை நாங்கள் இன்னும் கைது செய்யவில்லை.” எனத் தெரிவித்துள்ளார்.

1 thought on “5 வயது சிறுமி பாலியல் பலாத்காரம்..! குற்றவாளியை அந்தரங்க உறுப்பிலேயே அடித்துக் கொலை செய்த தந்தை..!

Leave a Reply