ஆரம்பமே அமர்க்களம்.. சவுதாம்டனில் விளையாடும் மழை… உலக டெஸ்ட் சாம்பியன்ஷிப்பின் முதல் செசன் ரத்து..!!

18 June 2021, 3:25 pm
match - rain - updatenews360
Quick Share

இந்தியா – நியூசிலாந்து அணிகள் மோதும் உலக டெஸ்ட் சாம்பியன்ஷிப் இறுதிப் போட்டி மழையால் தடைபட்டுள்ளது.

2019-ம் ஆண்டு உலக டெஸ்ட் சாம்பியன்ஷிப் போட்டி தொடங்கப்பட்டது. டெஸ்டில் 9 நாடுகள் இதில் கலந்து கொண்டனர். புள்ளிகள் அடிப்படையில் முதல் 2 அணிகள் இறுதி போட்டிக்கு தகுதி பெறும் என்று அறிவிக்கப்பட்டது. இதனால், விராட்கோலி தலைமையிலான இந்திய அணியும், கேன் வில்லியம்சன் தலைமையிலான நியூசிலாந்து அணியும் தகுதி பெற்றது.

இன்று உலக டெஸ்ட் சாம்பியன்ஷிப் இறுதிப் போட்டியில் இந்திய அணி, நியூசிலாந்து அணியுடன் மோதவுள்ளது. இந்திய நேரப்படி பிற்பகல் 3 மணிக்கு தொடங்குகிறது.

ஆனால், இன்று அதிகாலை முதலே போட்டி நடக்கும் சவுதாம்டனில் லேசான மழை பெய்து கொண்டே இருக்கிறது. இதனால், டாஸ் போடும் நிகழ்வு தற்காலிகமாக நிறுத்தி வைக்கப்பட்டுள்ளது. அதோடு, போட்டியின் முதல் செசன் ரத்து செய்யப்படுவதாகவும் அறிவிக்கப்பட்டுள்ளது. போட்டி நடக்கும் 5 நாட்களில் 2 அல்லது 3 நாட்கள் மழை குறுக்கிடும் என ஏற்கனவே அந்நாட்டு வானிலை ஆய்வு மையம் எச்சரிக்கை விடுத்திருந்தது குறிப்பிடத்தக்கது.

சாம்பியன் பட்டத்தை கைப்பற்றப்போவது யார் என ரசிகர்கள் பெரிதும் எதிர்பார்த்திருந்த நிலையில், மழையால் ஆட்டம் தடை பட்டிருப்பது ரசிகர்களிடையே ஏமாற்றத்தை ஏற்படுத்தியுள்ளது.

Views: - 358

0

0