EN
சீனாவா? வேண்டவே வேண்டாம்! கும்பிடு போடும் ஏர்டெல் மற்றும் வோடபோன்-ஐடியா!
8 October 2020, 5:46 pm
ஏர்டெல் மற்றும் வோடபோன்-ஐடியா நிறுவனங்கள் சீன விற்பனையாளர்களை தங்கள் புதிய அல்லது வரவிருக்கும் திட்டங்களில் புறக்கணிக்க திட்டமிட்டுள்ளதாக கூறப்படுகிறது. அதாவது, தொலைத்தொடர்பு நிறுவனங்கள் இரண்டும் இப்போது ரிலையன்ஸ் ஜியோவைப் பின்தொடர துவங்கியுள்ளன.
ஏனெனில் ரிலையன்ஸ் ஜியோ சோதனைகள் மற்றும் நெட்வொர்க் சேவைக்கு சீன விற்பனையாளர்களான ZTE மற்றும் Huawei போன்றவற்றை சார்ந்திருக்கவில்லை. உண்மையில், ஜியோ ஒரு சுத்தமான இந்திய தொலைத்தொடர்பு நிறுவனம் என்று அழைக்கப்படுகிறது.
ஏர்டெல் மற்றும் வோடபோன்-ஐடியா ஆகிய இரு ஆபரேட்டர்களும் இந்த விற்பனையாளர்களுக்கு எந்தவொரு புதிய ஒப்பந்தத்தையும் வழங்கவில்லை என்ற போதிலும், அவர்கள் தொடர்ந்து தங்கள் திட்டத்திற்காக அவர்களுடன் இணைந்து பணியாற்றி வருகிறார்கள் என்று ET டெலிகாம் தெரிவித்துள்ளது.
பயனர் தரவு திருட்டு பிரச்சினைகள் காரணமாக அமெரிக்க மற்றும் ஐரோப்பிய நிறுவனங்கள் சீன விற்பனையாளர்கள் சரியில்லை என்ற குற்றச்சாட்டுகளை முன்வைப்பதாக அறிக்கை எடுத்துக்காட்டுகிறது. எனவே இப்போது, இந்திய தொலைத் தொடர்பு நிறுவனங்கள் நோக்கியா, எரிக்சன், சிஸ்கோ மற்றும் சியானா போன்றவற்றுடன் ஒப்பந்தங்களை கையெழுத்திட்டு வருகின்றன.
உண்மையில், பாரத் சஞ்சார் நிகம் லிமிடெட் நிறுவனம் நாட்டில் 4 ஜி மற்றும் 5ஜி நெட்வொர்க்குகளை பயன்படுத்த உள்நாட்டு விற்பனையாளர்களை மட்டுமே பயன்படுத்துமாறு அரசாங்கம் கேட்டுக் கொண்டுள்ளது. குறிப்பிடத்தக்க வகையில், இந்நிறுவனம் ZTE இலிருந்து 44.4 சதவீத உபகரணங்களையும், ஹவாய் நிறுவனத்திலிருந்து 9.0 சதவீத உபகரணங்களையும் பயன்படுத்துகிறது.
0
0