புதிய பெயரை பெற இருக்கும் பேஸ்புக்… இது உண்மை தானா…???

Author: Hemalatha Ramkumar
20 October 2021, 1:29 pm
Quick Share

ஃபேஸ்புக் நிறுவனம் அதன் வணிக நடைமுறைகள் குறித்து தீவிர ஆய்வை மேற்கொண்டு வருகிறது. அந்த வகையில் நிறுவனத்திற்கு ஒரு புதிய பெயருடன் மறுபெயரிட திட்டமிட்டுள்ளது.

அக்டோபர் 28 ஆம் தேதி நிறுவனத்தின் இணைப்பு மாநாட்டில் பெயர் மாற்றம் குறித்து தலைமை நிர்வாக அதிகாரி மார்க் ஜுக்கர்பெர்க் விவாதிப்பார் என்று இணையதளம் செவ்வாய்க்கிழமை அன்று தெரிவித்துள்ளது. ஆனால் அசல் பேஸ்புக் செயலி மற்றும் சேவை அவற்றின் பிராண்டிங்கில் மாறாமல் இருக்கும். மேலும் அதன் தாய் நிறுவனத்தின் கீழ் இன்ஸ்டாகிராம் மற்றும் வாட்ஸ்அப் போன்ற பிற பில்லியன் பயனர்களின் பிராண்டுகளுடன் செயல்படும். கூகுள் ஏற்கெனவே இதே போன்ற ஒரு மைப்பை அதன் தாய் நிறுவனமான ஆல்ஃபாபெட் நிறுவனத்துடன் இயக்குகிறது.

ஆனால் பேஸ்புக் செய்தித் தொடர்பாளரோ இது குறித்து கருத்து தெரிவிக்க மறுத்துவிட்டார். மேலும் நிறுவனம் “வதந்தி அல்லது “ஊகம்” குறித்து கருத்து தெரிவிக்காது என்றும் கூறினார்.

2004 ஆம் ஆண்டில் சமூக வலைப்பின்னலை நிறுவிய ஜுக்கர்பெர்க், ஃபேஸ்புக்கின் எதிர்காலம் மெட்டாவர்ஸ் பொறுத்து இருப்பதாக கூறினார். எதிர்காலத்தில் பயனர்கள் ஒரு மெய்நிகர் பிரபஞ்சத்திற்குள் வாழ்வார்கள், வேலை செய்வார்கள் மற்றும் உடற்பயிற்சி செய்வார்கள் என்ற கருத்தும் உள்ளது. நிறுவனத்தின் ஒக்குலஸ் மெய்நிகர் ரியாலிட்டி ஹெட்செட்டுகள் மற்றும் சேவை அந்த பார்வையை உணர்த்துவதற்கான ஒரு கருவியாகும்.

“வரவிருக்கும் ஆண்டுகளில், மக்கள் எங்களை முதன்மையாக ஒரு சமூக ஊடக நிறுவனமாகப் பார்ப்பதிலிருந்து எங்களை ஒரு மெட்டாவர்ஸ் நிறுவனமாகப் பார்ப்பார்கள் என்று நான் எதிர்பார்க்கிறேன்,” என்று ஜுக்கர்பெர்க் ஜூலை மாதம் கூறினார். “பல வழிகளில் மெட்டாவேர்ஸ் என்பது சமூக தொழில்நுட்பத்தின் இறுதி வெளிப்பாடு.” பேஸ்புக் பலரது விமர்சனத்திற்கு உள்ளாகும் இந்த நேரத்தில் மறுபெயரிடுதல் வருகிறது.

Views: - 403

0

0