EN
இந்நாளில் தான் ஒன்பிளஸ் 8T 5ஜி ஸ்மார்ட்போன் உலகளவில் அறிமுகமாகிறது!
21 September 2020, 9:30 pm
உலகளாவிய தொழில்நுட்ப பிராண்ட் ஆன ஒன்பிளஸ் திங்களன்று தனது புதிய முதன்மை சாதனமான ஒன்பிளஸ் 8T 5ஜி ஸ்மார்ட்போனை அக்டோபர் 14 ஆம் தேதி உலகளவில் வெளியிடுவதாக அறிவித்துள்ளது.
வரவிருக்கும் ஒன்பிளஸ் 8T 5ஜி ஸ்மார்ட்போன் புதிய மற்றும் மேம்பட்ட தொழில்நுட்பங்களைக் கொண்டிருக்கும், இது ஒன்பிளஸ் அனுபவத்தை புதிய உயரத்திற்கு உயர்த்தும்.
ஒன்பிளஸ் 8T 5 ஜி வெளியீட்டு நிகழ்வு அக்டோபர் 14 ஆம் தேதி இரவு 7:30 மணிக்கு (இந்தியா நேரம்) ஆன்லைனில் ஒளிபரப்பப்படும்.
ஒன் பிளஸ் 8T ஆண்ட்ராய்டு 11 ஐ அடிப்படையாகக் கொண்ட ஆக்ஸிஜன்ஓஎஸ் 11 உடன் இயங்க வாய்ப்புள்ளது மற்றும் 120 ஹெர்ட்ஸ் புதுப்பிப்பு வீதத்துடன் வருகிறது.
செப்டம்பர் 2019 இல் இந்தியாவில் அறிமுகப்படுத்தப்பட்ட ஒன்பிளஸ் 7T போனின் அடுத்த பதிப்பாக ஒன்பிளஸ் 8T இருக்கும்.
வழக்கமான ஒன்பிளஸ் 8 ஐப் போலவே இந்த சாதனமும் 6.55 அங்குல AMOLED டிஸ்ப்ளேவைக் கொண்டிருக்கலாம்.
இந்த ஸ்மார்ட்போன் பின்புறத்தில் நான்கு கேமராக்களுடன் வரும் என்று எதிர்பார்க்கப்படுகிறது, 48 MP பிரைமரி லென்ஸுடன் 16 MP வைட்-ஆங்கிள் தொகுதி, 5 MP மேக்ரோ மற்றும் 2 MP போர்ட்ரெய்ட் லென்ஸ் ஆகியவற்றுடன் இணைக்கப்பட்டுள்ளது.
செயலியைப் பொறுத்தவரை, ஸ்மார்ட்போனில் 8 ஜிபி ரேம், 128 ஜிபி இன்டர்னல் ஸ்டோரேஜ் கொண்ட குவால்காம் ஸ்னாப்டிராகன் 865 பிளஸ் சிப் இடம்பெறும்.
கூடுதலாக, ஒன்பிளஸ் ஸ்னாப்டிராகன் 662 அல்லது 665 சிப் உடன் மற்றொரு சாதனத்தை ரூ.16,000 முதல் ரூ.18,000 விலைப்பிரிவில் வெளியிடவும் திட்டமிட்டுள்ளது.
