EN
போகோ X3 போனுக்காக காத்திருந்த ரசிகர்களுக்கு ஒரு செம்ம குட் நியூஸ் வந்திருக்குங்க!
3 September 2020, 8:38 pm
இந்தியாவில் போகோ M2 க்கான வெளியீட்டு தேதியை அறிவித்த பின்னர், போகோ X3 ஐ செப்டம்பர் 7, 2020 அன்று வெளியிடப்போவதாக நிறுவனம் உறுதிப்படுத்தியுள்ளது. வெளியீட்டு தேதியை நிறுவனம் தனது ட்விட்டர் தளத்தில் அறிவித்துள்ளது.
போக்கோ M2 அறிமுகம் போலல்லாமல், போகோ X3 வெளியீட்டு நிகழ்வு உலகளாவிய வெளியீடாக இருக்கும், இது நிறுவனத்தின் சமூக ஊடக சேனல்களான யூடியூப், பேஸ்புக் மற்றும் ட்விட்டரில் நேரடியாக ஒளிபரப்பப்படும். இந்த ஆண்டு பிப்ரவரியில் இந்தியாவில் அறிமுகப்படுத்தப்பட்ட போகோ X2 இன் அடுத்த பதிப்பாக போகோ X3 இருக்கும்.
போகோவின் அடுத்த ஸ்மார்ட்போன் போகோ X3 NFC என்று அழைக்கப்படும் என்று ட்விட்டரில் போகோ குளோபல் தெரிவித்துள்ளது. போகோ NFC 120 ஹெர்ட்ஸ் புதுப்பிப்பு வீதம் மற்றும் 240 ஹெர்ட்ஸ் டச் லேட்டன்சியுடன் 6.67 இன்ச் டிஸ்ப்ளே கொண்டுள்ளது என்றும் தெரிவிக்கப்பட்டுள்ளது. இது பெரும்பாலும் MIUI 12 தனிப்பயன் ஆக்கப்பட்ட ஸ்கின் உடன் சமீபத்திய Android 10 OS ஐ இயக்கும்.
ஹூட்டின் கீழ், தொலைபேசியை குவால்காம் ஸ்னாப்டிராகன் 732 ஜி SoC ஆல் இயக்க வாய்ப்புள்ளது. இது 64 ஜிபி மற்றும் 128 ஜிபி ஸ்டோரேஜ் பதிப்புகளில் வரும். போக்கோ X3 தொலைபேசி 5,160 mAh பேட்டரியை 33W ஃபாஸ்ட் சார்ஜிங் மூலம் 65 நிமிடங்களில் தொலைபேசியை சார்ஜ் செய்ய முடியும் என்று தெரிவிக்கப்பட்டுள்ளது. இது ஒரு பக்கமாக பொருத்தப்பட்ட கைரேகை ஸ்கேனரைக் கொண்டிருக்கும்.
போகோ குளோபல் பொது மேலாளர், அங்கஸ் பகிர்ந்த டீஸர்கள் ஏற்கனவே குவாட்-ரியர் கேமரா அமைப்பை உறுதிப்படுத்தியுள்ளன. இதில் 64 மெகாபிக்சல் முதன்மை சென்சார் பொருத்தப்பட்டிருக்கும். மற்ற கேமரா சென்சார்கள் பற்றிய தகவல்கள் இன்னும் வெளியாகவில்லை. 20 மெகாபிக்சல் செல்பி கேமரா இருக்கலாம் என்று எதிர்பார்க்கப்படுகிறது.
0
0