இன்டெல் சிபியு, கார்பன் ஃபைபர் பில்டு உடன் வயோ Z லேப்டாப் அறிமுகம்!

Quick Share

ஜப்பானை தளமாகக் கொண்ட வயோ கார்ப்பரேஷன் புதிய முதன்மை நோட்புக் லேப்டாப் ஒன்றை அறிமுகம் செய்துள்ளது. வயோ Z கார்பன் ஃபைபர் உருவாக்கம், 4K டிஸ்ப்ளே மற்றும் 11 வது ஜெனரல் இன்டெல் செயலாக்க வன்பொருளுடன் வருகிறது.

வயோ Z அடிப்படை 16 ஜிபி ரேம் மற்றும் 512 ஜிபி சேமிப்பக மாடலுக்கு அமெரிக்காவில், $3,579 (தோராயமாக ரூ.2,59,900) மற்றும் 32 ஜிபி ரேம் மற்றும் 2 டிபி சேமிப்பு மாறுபாட்டிற்கு $4,179 (தோராயமாக ரூ.303,400) விலை நிர்ணயிக்கப்பட்டுள்ளது.

புதிய வயோ Z இலகுவானது, மேலும் கார்பன் ஃபைபர் பாதுகாப்புடன், கடினத்தன்மையை வழங்குகிறது. இது எச்.டி.ஆர் ஆதரவுடன் 14 அங்குல அல்ட்ரா-HD 4K (3840 x 2160 பிக்சல்கள்) டிஸ்ப்ளே கொண்டுள்ளது.

மடிக்கணினி இன்டெல்லின் ஐரிஸ் X கிராபிக்ஸ் கொண்ட 11 வது ஜெனரல் இன்டெல் கோர் i7 செயலி உடன் இயக்கப்படுகிறது. இது 2TB வரை PCIe SSD சேமிப்பகத்துடன் வருகிறது.

VAIO பயனரின் உணர்திறன் (User’s Sensing) பொறியியல் மனித உணர்திறன் தொழில்நுட்பம் மற்றும் பயோமெட்ரிக்ஸை ஒருங்கிணைக்கிறது. நீங்கள் முன் அமர்ந்திருக்கும்போது நீங்கள் Login செய்ய வயோ Z முகம் அங்கீகாரத்தைப் பயன்படுத்துகிறது, மேலும் நீங்கள் லேப்டாப்பின் முன்னால் அமர்ந்திருக்கும் வரை அது உங்களை Login லேயே வைத்திருக்கும். எனவே இப்போது பயனர் தனது கடவுச்சொல்லை நினைவில் வைத்திருக்க வேண்டும் என்று கவலைப்படவே தேவையில்லை. எனவே உங்கள் தனியுரிமையைப் பாதுகாக்க வேறு யாரவது வந்து லேப்டாப் முன்னதாக அமர்ந்தால் அது தானாகவே லாக் ஆகிவிடும்.

புதிய VAIO லேப்டாப் டால்பி ஆடியோ ஸ்பீக்கர்களுடன் படிக தெளிவான ஒலியுடன் வருகிறது. இது கேமரா ஷட்டர் மற்றும் தனியுரிமைக்கான மைக் மியூட் ஷார்ட்கட்ஸ், எளிதான ஒத்துழைப்புக்கு 180 டிகிரி மடிக்கக்கூடிய திரை மற்றும் பல மணிநேரங்கள் உங்களை இணைத்து வைத்திருக்க அதிக பேட்டரி ஆயுள் போன்ற அம்சங்களைக் கொண்டிருக்கிறது.

லேப்டாப் விண்டோஸ் 10 ப்ரோவில் இயங்குகிறது. இணைப்பிற்காக, இது இரண்டு யூ.எஸ்.பி டைப்-C தண்டர்போல்ட் 4 போர்ட்கள், ஒரு HDMI போர்ட் மற்றும் 3.5 மி.மீ ஆடியோ ஜாக் ஆகியவற்றைக் கொண்டுள்ளது.