சியோமி Mi 11 உலகளவில் அறிமுகம் | விலை, அம்சங்கள், விவரங்கள் இங்கே

9 February 2021, 10:01 am
Xiaomi Mi 11 launched globally, check price, specs
Quick Share

சியோமி தனது முதன்மை ஸ்மார்ட்போன் ஆன ‘Mi 11’ ஐ உலகளவில் அறிமுகப்படுத்தியுள்ளது. குவால்காம் ஸ்னாப்டிராகன் 888 செயலியுடனான நிறுவனத்தின் முதல் ஸ்மார்ட்போன் Mi 11 ஆகும்.

Mi 11 போனின் 8 ஜிபி ரேம் மற்றும் 128 ஜிபி ஸ்டோரேஜ் உடன் கூடிய அடிப்படை மாடலுக்கான விலை 749 யூரோக்கள் (தோராயமாக ரூ.65,800) ஆகவும், 256 ஜிபி ஸ்டோரேஜ் உடன் கூடிய மாறுபாட்டின் விலை 799 யூரோக்கள் (தோராயமாக ரூ.70,100) ஆகவும் இருக்கும். இந்த ஸ்மார்ட்போனில் 12 ஜிபி + 256 ஜிபி மாறுபாடும் உள்ளது, ஆனால் சியோமி இந்த மாறுபாட்டை அறிமுகப்படுத்தவில்லை.

Mi 11 ஸ்மார்ட்போனில் கிளவுட் ஒயிட், ஹாரிசன் ப்ளூ மற்றும் மிட்நைட் கிரே ஆகிய மூன்று வண்ண விருப்பங்கள் உள்ளன. விவரக்குறிப்புகளைப் பொறுத்தவரை, Mi 11 ஆனது 120 Hz புதுப்பிப்பு வீதம், HRD 10+ ஆதரவு மற்றும் கார்னிங் கொரில்லா கிளாஸ் விக்டஸ் பாதுகாப்பு ஆகியவற்றைக் கொண்ட 6.81 அங்குல 2K WQHD + AMOLED டிஸ்ப்ளே கொண்டுள்ளது. இது இன்-டிஸ்ப்ளே கைரேகை சென்சார் கொண்டுள்ளது, இது இதய துடிப்பு மானிட்டராகவும் பயன்படுத்தப்படலாம்.

108 மெகாபிக்சல் முதன்மை சென்சார், 13 மெகாபிக்சல் அகல கோண லென்ஸ் மற்றும் 5 மெகாபிக்சல் மேக்ரோ லென்ஸ் ஆகியவற்றைக் கொண்ட மூன்று கேமரா அமைப்பு Mi 11 போனில் உள்ளது. இது செல்ஃபிக்களுக்காக 20 மெகாபிக்சல் முன் கேமராவையும் கொண்டுள்ளது.

Mi 11 ஆனது 4,600mAh பேட்டரி உடன் 55W Mi டர்போசார்ஜ் வயர்டு சார்ஜிங் மற்றும் குயிக் சார்ஜ் 4+ வேகமான சார்ஜிங் ஆதரவுடன் ஆற்றல் பெறுகிறது. இது 50W வயர்லெஸ் சார்ஜிங் மற்றும் 10W ரிவர்ஸ் வயர்லெஸ் சார்ஜிங்கிற்கான ஆதரவோடு வருகிறது. மென்பொருள் முன்னணியில், Mi 11 ஆண்ட்ராய்டு 11 அடிப்படையிலான MIUI 12.5 ஐ இயக்குகிறது. Mi 11 இல் இணைப்பு விருப்பங்களில் 5G, 4G LTE, Wi-Fi 6E, புளூடூத் 5.2, NFC மற்றும் ஒரு யூ.எஸ்.பி டைப்-C போர்ட் ஆகியவை அடங்கும்.

சியோமி விரைவில் இந்தியாவிலும் Mi 11 ஐ அறிமுகப்படுத்தவுள்ளது. Mi 11 உடன் Mi 11 லைட் ஸ்மார்ட்போனும் அறிமுகமாகும் என்று எதிர்பார்க்கப்படுகிறது.

Views: - 0

0

0