ஆன்லைனில் பணம் அனுப்புகிறீர்களா..? இன்று முதல் புதிய நடைமுறையை அமல்படுத்தியது ஆர்பிஐ..!

1 December 2020, 1:26 pm
Rupee_Notes_UpdateNews360
Quick Share

ஆன்லைனில் மேற்கொள்ளப்படும் பணப் பரிவர்த்தனை முறைகளில் ஒன்றான ஆர்.டி.ஜி.எஸ் முறை இன்று முதல் விடுமுறை உள்ளிட்ட அனைத்து நாட்களிலும் இயங்கும் என அறிவிக்கப்பட்டுள்ளது. இந்த ஆர்டிஜிஎஸ் முறை ர  லட்ச ரூபாய்க்கும் மேற்பட்ட பெரிய மதிப்பு பரிவர்த்தனைகளுக்கானது. 

ஆன்லைன் பரிவர்த்தனைகளை பல கட்டுப்பாடுகள் இருந்த நிலையில் டிஜிட்டல் பரிவர்த்தனைகளை எளிதாக்கும் முயற்சியாக, கடந்த ஆண்டு டிசம்பரில், நெப்ட் பரிவர்த்தனை 24x7x365 அடிப்படையில் கிடைத்தது. தற்போது, ஒவ்வொரு மாதமும் இரண்டாவது மற்றும் நான்காவது சனிக்கிழமைகளைத் தவிர, வாரத்தின் அனைத்து வேலை நாட்களிலும் காலை 7 மணி முதல் மாலை 6 மணி வரை ஆர்டிஜிஎஸ் வாடிக்கையாளர்களுக்கு கிடைக்கிறது.

ஆர்.டி.ஜி.எஸ் மூலம் அனுப்ப வேண்டிய குறைந்தபட்ச தொகை ரூ. 2,00,000 ஆகும். இந்த பரிவர்த்தனைகள் ஒவ்வொன்றும் தனித்தனியாக வங்கி அதிகாரியால் ஒப்புதல் அளிக்கப்பட்டு வந்த நிலையில், 24x7x365 முறையில் கிடைக்கிறது.

மேலும் நாட்டில் டிஜிட்டல் பரிவர்த்தனைகளை ஊக்குவிக்கும் முயற்சியாக, 2019 ஜூலை மாதம், ஆர்பிஐ நெப்ட் மற்றும் ஆர்டிஜிஎஸ் மூலம் மேற்கொள்ளப்படும் பரிவர்த்தனைகள் மீதான கட்டணங்களை நிறுத்தியது.

முன்னதாக, ரிசர்வ் வங்கியின் ஆளுநர் சக்தி காந்த தாஸ், இந்திய நிதிச் சந்தைகளின் உலகளாவிய ஒருங்கிணைப்பை நோக்கமாகக் கொண்ட தொடர்ச்சியான முயற்சிகளுக்கு ஆதரவளிப்பதற்கும், சர்வதேச நிதி மையங்களை அபிவிருத்தி செய்வதற்கான இந்தியாவின் முயற்சிகளை எளிதாக்குவதற்கும், உள்நாட்டு கார்ப்பரேட் மற்றும் நிறுவனங்களுக்கு பரந்த கட்டண நெகிழ்வுத்தன்மையை வழங்குவதற்கும் இந்த முடிவு எடுக்கப்பட்டுள்ளதாக தெரிவித்திருந்தார்.

“இதன் மூலம், உலகளவில் 24x7x365 முறையில் இயங்கும் ஆர்டிஜிஎஸ் கட்டண முறையைக் கொண்ட மிகச் சில நாடுகளில் இந்தியாவும் ஒன்றாக இருக்கும்” என்று அவர் கூறினார்.

Views: - 0

0

0