‘விடாமுயற்சி’ ஹீரோயின் யார் தெரியுமா? அஜித்தை மிரட்டப்போகும் கொடூர வில்லன் இவர் தான்!

அஜித் தற்போது பிரம்மாண்ட தாயரிப்பு நிறுவனம் லைகா நிறுவனத்தின் தயாரிப்பில் தனது 62வது படத்தில் கமிட்டாகியுள்ளார். முதலில் இப்படத்தை விக்னேஷ் சிவன் இயக்குவதாக இருந்தார். ஆனால், அவரது கதை அஜித்துக்கு பிடிக்காததால் லைகா நிறுவனத்திடம் சொல்லி அவரை நீக்க சொன்னார். பின்னர் மகழ் திருமேனியின் கதை அவருக்கு பிடித்துப்போக அவரை ஒப்பந்தம் செய்துவிட்டனர்.

இப்படம் ஆரம்பிக்கப்பட்டு 3 மாதங்களாக எந்த ஒரு அதிகாரப்பூர்வ அறிவிப்பும் வெளியாகவில்லை. இதனால் ரசிகர்கள் கொஞ்சம் அதிருப்தியில் இருந்தனர். படத்தை மகிழ் திருமேனி தான் இயக்குகிறாரா?என்பதே பலருக்கும் சந்தேகம் வந்துவிட்டது. இந்நிலையில் அஜித்தின் பிறந்தநாள் அன்று AK 62 டைட்டில் நள்ளிரவில் யாரும் எதிர்பார்க்காத நேரத்தில் வெளியாகியது. அதன்படி “விடாமுயற்சி”என டைட்டில் வைக்கப்பட்டுள்ளது.

வீரம், வேதாளம், விவேகம், விஸ்வாசம் படங்களை தொடர்ந்து அஜித்தின் ராசியான முதல் எழுத்தான “v”ல் தான் இந்த முறையும் “விடாமுயற்சி” என டைட்டில் உள்ளது. இதனால் நிச்சயம் இப்படம் மிகப்பெரிய வெற்றி பெறலாம். மேலும் இதன் டைட்டிலில் சில சீக்ரெட்ஸ் ஒளிந்திருக்கிறதை பார்க்க முடிகிறது.

அதாவது, விடாமுயற்சி என்ற டைட்டிலில் “ற்” என்ற வார்த்தையில் வைக்கப்பட்ட புள்ளி தேடல் பொருளை உணர்த்துவதாக இருக்கின்றது. எனவே இப்படத்தில் அஜித்தின் வேர்ல்ட் டூர் பயணத்தின் ஸ்வாரஸ்யங்களையும், சாகசங்களையும் டாகுமெண்ட்ரியாக எடுக்கலாம் என எதிர்பார்க்க முடிகிறது. அது மட்டும் இல்லாமல் போஸ்டரில் சுழல் இடம் பெற்று இருப்பதால் ஒரு கப்பல் பயணத்தை அடிப்படையாகக் கொண்டு கதை உருவாகலாம் என்று கூறப்படுகிறது.

இந்நிலையில் இப்படத்தில் ஹீரோயினாக நடிக்க நடிகை திரிஷாவிடம் பேச்சுவார்த்தை நடந்துள்ளதாம். திரிஷா தற்போது விஜய்க்கு ஜோடியாக லியோ படத்தில் நடித்து வருவதால் அவர் தான் மார்க்கெட்டின் உச்சத்தில் இருக்கிறார். எனவே அவரையே விடாமுயற்சிக்கும் ஹீரோயினாக போட்டால் படம் வேற லெவல் ஹிட் ஆகும் என படக்குழு முடிவெடுத்துள்ளதாம். மேலும் படத்தில் வில்லனாக அர்ஜுன் தாஸ் நடிக்க வைக்க பேச்சுவார்த்தை நடந்துள்ளதாம்.

இப்படத்தின் முதற்கட்ட ஷூட்டிங் இந்த வாரம் புனேயில் துவங்க உள்ளது. அதில் வில்லனும் அஜித்தும் மோதும் காட்சி படமாக்க அங்கு பிரம்மாண்டமாக செட் போடப்பட்டுள்ளதாம். இப்படத்தில் ஆக்ஷனுக்கு இணையாக ரொமான்ஸ் காட்சிகளும் அதிகம் இடம் பெருமாம். இந்த ஆண்டு நவம்பர் மாதத்தோடு படப்பிடிப்பை முடித்துவிட்டு அடுத்த ஆண்டு ஏப்ரல் மாதத்தில் விடாமுயற்சி படம் வெளியாகும் என கூறப்படுகிறது. இந்த தகவல் துவண்டு போயிருந்த அஜித் ரசிகர்களுக்கு பெரும் உற்சாகத்தை கொடுத்துள்ளது.

Views: - 629

8

4