நீதிமன்றம் அறிவித்த தீர்ப்பு.. முடிவுக்கு வந்த ரச்சிதா – தினேஷ் விவகாரம்..!

விஜய் டிவியில் ஒளிபரப்பான பிரிவோம் சந்திப்போம் என்ற தொடரின் மூலம் அறிமுகமானவர் நடிகை ரச்சிதா. இதே தொடரில் தனக்கு ஜோடியாக நடித்த தினேஷ் என்பவருடன் காதலில் விழுந்து அவரை திருமணம் முடித்துக்கொண்டார். இதனை தொடர்ந்து இவர் சரவணன் மீனாட்சி இரண்டாவது மற்றும் மூன்றாவது சீசன்களில் ஹீரோயினாக நடித்தார். இந்த தொடரின் மூலம் ரசிகர்களிடம் மிகவும் பிரபலமானவராக ஆனார்.

சீரியல்களை தவிர சில ரியாலிட்டி ஷோக்களில் நடுவர் ஆகவும் பங்கேற்று வந்தார். இவருகென்று தனியொரு ரசிகர் பட்டாளமே உள்ளது. இன்ஸ்டாகிராம் பக்கங்கள்,பேஸ்புக் பக்கம் என்று ரசிகர்கள் உருவாக்கி அவர்கள் இவரை கொண்டாடி வந்தனர்.

சினிமா நடிகைகளுக்கு இணையான ரசிகர் வட்டத்தை கொண்டுள்ள இவர் கன்னடத்தில் ஒரு படம் நடித்து வருகிறார். இதில் ஹீரோயினாக நடித்து வரும் இவர் மகா ராணி கெட்டப்பில் உள்ளார்.

இதற்கு பிறகு பிக் பாஸ் போனதால் அவர் சந்தித்த சிக்கல்கள் தான் அதிகம். கணவரை பிரிந்து வாழ்ந்து வரும் ரச்சிதாவிடம் ராபர்ட் மாஸ்டர் நடந்து கொண்ட விதம் கடும் விமர்சனத்திற்கு உள்ளானது.

தற்போது ரக்‌ஷிதா இரண்டாவது திருமணம் செய்து கொள்ள இருப்பதாக சில செய்திகள் வெளியானது. இதனிடையே, இவர் பிக்பாஸ் நிகழ்ச்சியை தொடர்ந்து, கணவருடன் ஒன்று சேர்ந்து விடுவார் என்று எதிர்பார்க்கப்பட்ட நிலையில், அதற்கு வாய்ப்பே இல்லை என்று கூறிவிட்டதாக சீரியல் வட்டாரங்கள் தெரிவித்து வருகின்றனர்.
இதனிடையே தினேஷ் விவகாரத்து செய்வதற்காக முயற்சி செய்து வருவதாகவும் தகவல் வெளியாகி உள்ளது.

இந்நிலையில் ரக்சிதாவின் இன்ஸ்டாகிராம் பக்கத்தில் ஒரு பதிவை வெளியிட்டிருக்கிறார். அதில் மும்பை நீதிமன்றம் பெண்கள் பற்றி தீர்ப்பொன்றை வெளியிட்டிருந்தது, அந்த தீர்ப்பானது தனியாக வாழும் பெண்களும் வேலை செய்யும் பெண்களும் குழந்தைகளை தத்தெடுத்துக் கொள்ளலாம் என அறிவித்திருந்தது.

இந்தப் பதிவை பகிர்ந்த ரக்சிதா அதில் இது போதும் இனி நாங்கள் பார்த்துக் கொள்கிறோம் என பதிவிட்டிருந்தார். பிக்பாஸ் ரக்சிதாவிற்கு குழந்தை பற்றி பெரிய ஏக்கம் ஒன்று இருந்துக் கொண்டுதான் இருக்கிறது. இதனால் கணவர் தினேஷ் உடன் இணைந்து வாழ்வார் என எதிர்பார்த்துக் கொண்டிருந்த ரசிகர்களுக்கு அதிர்ச்சிக் கொடுக்கும் வகையில் ரக்சிதா இந்தப் பதிவை வெளியிட்டிருக்கிறார்.

Views: - 447

1

1