சாம்சங் கேலக்ஸி ஃபிட் 2 ஃபிட்னஸ் டிராக்கர் வெளியானது | விலை, அம்சங்கள் & விவரங்கள்

சாம்சங் மற்றொரு ஃபிட்னஸ் டிராக்கரை அறிமுகப்படுத்தியுள்ளது, மேலும் கேலக்ஸி ஃபிட் சாதனத்தின் அடுத்த பதிப்பு கேலக்ஸி ஃபிட் 2 என அழைக்கப்படுகிறது. சமீபத்திய ‘Life Unstoppable’ நிகழ்வில், ஸ்மார்ட்போன் நிறுவனம் கேலக்ஸி ஃபிட் 2 எனும் புதிய சாதனத்தை அறிமுகம் செய்தது. இந்நிறுவனம் கடந்த ஆண்டு ஜூன் மாதம் கேலக்ஸி ஃபிட் சாதனத்தை இந்தியாவில் அறிமுகப்படுத்தியது, அது நல்ல வரவேற்பைப் பெற்றது.

எல்லோரும் ஆரோக்கியமாக இருக்க விரும்புவதால் ஃபிட்னஸ் டிராக்கர் சாதனத்திற்கான தேவை அதிகம் உள்ளது என்று சாம்சங் தெரிவித்துள்ளது. இப்போது இந்த சாதனத்தின் விலை மற்றும் கிடைக்கும் தன்மை இன்னும் அறியப்படவில்லை, வரவிருக்கும் நாட்களில் மேலும் பல தகவல்கள் வெளியாகும் என்று எதிர்பார்க்கப்படுகிறது. கேலக்ஸி ஃபிட் 2 இரண்டு வண்ணங்களில் வருகிறது; கருப்பு மற்றும் ஸ்கார்லெட் மற்றும் கேலக்ஸி ஃபிட் வடிவமைப்பை சிறிய வண்ண டிஸ்பிளே கொண்டுள்ளது.

ஃபிட் 2 சாதனம், இதயத் துடிப்பு, தூக்கத்தைக் கண்காணித்தல், எரிக்கப்பட்ட கலோரிகள், பயணித்த தூரம் போன்ற இது ஐந்து செயல்பாடுகளைக் கண்காணிக்க முடியும். இருப்பினும், இரத்த ஆக்ஸிஜன் ரீடர் இதில் இல்லை.

கேலக்ஸி ஃபிட் 2 சாதனம் 3D கிளாஸ் டிஸ்ப்ளேவுடன் வருகிறது. 70 க்கும் மேற்பட்ட முகம் விருப்பங்களிலிருந்து தேர்ந்தெடுப்பதன் மூலம் பயனர்கள் அதைத் தனிப்பயனாக்கலாம். கீழே ஒரு தொடு உணர் பொத்தானைக் கொண்டுள்ளது, இது ஹோம் பொத்தானாகவும் செயல்படுகிறது.

ஒரே சார்ஜிங் மூலம் 15 நாட்கள் நீடிக்கும் திறன் கொண்டது என்று சாம்சங் கோருகிறது. பயன்பாட்டின் அடிப்படையில் பேட்டரி ஆயுள் வேறுபடலாம் என்பதையும் நினைவில் கொள்ளுங்கள். சில அமைப்புகளில் இது 21 நாட்கள் வரை கூட செல்லக்கூடும் என்று சாம்சங் கூறுகிறது. சாம்சங்கின் வலைத்தளத்திலுள்ள படங்களிலிருந்து, சிலிக்கான் ஸ்டராப்ஸ் மற்றும் வளைவான, செவ்வகத் திரை ஆகியவற்றைப் பார்க்க முடிகிறது, இது தேதி, நேரம் மற்றும் இதயத் துடிப்பு ஆகியவற்றைக் காட்டுகிறது.

Updatenews Dhivagar

See author's posts

Views: - 0

0

0