“இது முஸ்லீம் நாடு”..! விநாயகர் சிலைகளை உடைத்து முஸ்லீம் பெண் ஆவேசம்..! (வீடியோ)

17 August 2020, 12:11 pm
bahrain_ganesh_idol_updatenews360
Quick Share

பஹ்ரைன் சூப்பர் மார்க்கெட்டில் பர்கா அணிந்த ஒரு பெண்ணின் வீடியோ மிகவும் பரபரப்பை ஏற்படுத்தியுள்ளது. கடையின் அலமாரியில் வைக்கப்பட்டிருந்த கணபதி சிலைகளை பர்கா உடையணிந்த பெண் தரையில் ஒவ்வொன்றாக வீசுவதை வீடியோ காட்டுகிறது. 

பஹ்ரைனின் தலைநகர் மனாமாவின் ஜுஃபைர் பகுதியில் உள்ள ஒரு சூப்பர் மார்க்கெட்டில் இருந்து இந்த சம்பவம் பதிவாகியுள்ளது. அங்கு அந்த பெண் சிலைகளை ஒவ்வொன்றாக வீசுவது படமாக்கப்பட்டது. தற்போது சமூக ஊடகங்களில் பகிரப்பட்டு வரும் அந்த வீடியோவில், இந்து கடவுளான கணபதி சிலைகள் காட்சிக்கு வைக்கப்பட்டுள்ள இடத்திற்கு அருகில், அந்த பெண் நிற்பதைக் காணலாம். 

அந்தப் பெண் சிலைகளை எடுத்துக்கொண்டு ஒவ்வொன்றாக மேலே எறியத் தொடங்குகிறார். அதைத் தொடர்ந்து சிலைகள் துண்டுகளாக சிதறுகின்றன. வீடியோவில், அரபு மொழியில் உள்ள கடையில் ஒரு உதவியாளரிடம் அந்தப் பெண் கத்துவதையும் கேட்கலாம்.

இந்த சம்பவம் முழுவதையும் கடையில் மற்றொரு பெண் கேமராவில் பதிவு செய்துள்ளார். இந்த சம்பவம் கணேஷ் சதுர்த்தி திருவிழாவிற்கு சில நாட்களுக்கு முன்னதாக நடந்துள்ளது பரபரப்பை ஏற்படுத்தியுள்ளது.

கணபதி சிலைகள் ஒரு முஸ்லீம் ஆதிக்க நாட்டில் விற்கப்படுவது குறித்து ஆட்சேபனை எழுப்பிய, வீடியோவில் உள்ள அந்த பெண், “இது முகமது பென் இசாவின் நாடு. இதை அவர் ஏற்றுக்கொண்டார் என்று நினைக்கிறீர்களா?” என கடைக்காரரிடம் சண்டையிட்டார்.

“இது ஒரு முஸ்லிம் நாடு, சரியானதா?” என கடையில் உள்ள ஆணிடம் கேள்வியெழுப்பிய அந்த பெண், கடையில் இருக்கும் ஆணிடம், “இந்த சிலைகளை யார் வணங்குவார்கள் என்று பார்ப்போம். போலீஸ்காரர்களை அழைக்கவும்” என்று மற்றொரு பெண் கூறுகிறார்.

அந்த வீடியோ பின்னர் சமூக ஊடகங்களில் வெளியிடப்பட்டது.

இதற்கிடையில், கணபதி சிலைகளை துண்டு துண்டாக உடைத்த பெண் மீது பஹ்ரைன் காவல்துறை உடனடியாக சட்ட நடவடிக்கை எடுத்தது. குற்றம் சாட்டப்பட்ட பெண் மீது, ஒரு சமூகத்தின் மத உணர்வுகள் மற்றும் சடங்குகளை அவமதித்ததாக குற்றம் சாட்டப்பட்டுள்ளது.

இதற்கிடையே இந்த கைது நடவடிக்கையை பஹ்ரைன் உள்துறை அமைச்சகம் உறுதிப்படுத்தியது. உள்துறை அமைச்சகம் இது தொடர்பாக வெளியிட்ட ஒரு அறிக்கையில், “சமூக ஊடகங்களில் பரப்பப்பட்ட வீடியோ குறித்து, காவல்துறை இயக்குநர் ஜெனரல் நேற்று அறிவித்தார். 54 வயதான ஒரு பெண் வேண்டுமென்றே சிலையை சேதப்படுத்தியதற்காக வரவழைக்கப்பட்டார். வழக்கை பொது வழக்கு விசாரணைக்கு கொண்டு செல்ல சட்ட நடவடிக்கைகள் எடுக்கப்படுகின்றன.” எனத் தெரிவித்துள்ளது.

இதற்கிடையே பஹ்ரைனில் உள்ள சில ட்விட்டர் பயனர்களும் அமைதியாக இருக்குமாறு வேண்டுகோள் விடுத்தனர் மற்றும் சம்பவத்தின் அடிப்படையில் பஹ்ரைனை குற்றம் சாட்ட வேண்டாம் என்றும் கோரிக்கை விடுத்துள்ளனர்.