ஜலதோஷம் முதல் மூட்டு வலி வரை இஞ்சி செய்யும் அற்புதங்கள்!!!

குளிர்காலம் என்பது பருவகால உணவுகளை சாப்பிட வேண்டிய நேரம். உடலை சூடாகவும், ஆரோக்கியமாகவும், பருவகால நோய்களிலிருந்து விடுபட தேர்ந்தெடுக்கப்பட்ட உணவுகளை சாப்பிட வேண்டும். பல உணவுகள் அவற்றின் சத்துக்களுக்குப் பெயர் பெற்றிருந்தாலும், வல்லுநர்கள் இஞ்சியை சிறந்த குளிர்கால சூப்பர்ஃபுட் என்று குறிப்பிடுகிறார்கள். மேலும் குளிர் காலத்தில் ஒருவரின் உணவில் இஞ்சியை சேர்த்துக்கொள்ள நிபுணர்கள் அறிவுறுத்துகிறார்கள். இஞ்சி பொதுவாக தேநீரில் ஒரு வலுவான சுவையை கொடுக்க சேர்க்கப்படுகிறது. அது மட்டும் இல்லாமல் பல வகையான உணவுகளில் சுவையூட்டியாக இஞ்சி சேர்க்கப்படுகிறது. சுவையை அதிகரிப்பதோடு இஞ்சியானது நம் உடல் ஆரோக்கியத்தையும் மேம்படுத்துகிறது. காய்ச்சல் மற்றும் ஜலதோஷத்திற்கு இயற்கையான சிகிச்சையாக இஞ்சி நீண்ட காலமாக பயன்படுத்தப்பட்டு வருகிறது.

குளிர்காலத்தில் இஞ்சியின் பயன்கள்:
மூட்டு வலியை நீக்குகிறது: இஞ்சி அழற்சியை குறைக்க உதவுகிறது. ஏனெனில் இது அழற்சி எதிர்ப்பு விளைவுகளைக் கொண்டுள்ளது. இது மூட்டுவலியையும் குறைக்கும். இஞ்சியின் வழக்கமான நுகர்வு வீக்கம் மற்றும் வலியைக் குறைக்கும்.

செரிமானத்திற்கு உதவுகிறது: இஞ்சியில் இயற்கையாக நிகழும் கலவையான ஜிஞ்சரால் உள்ளது. பொதுவாக செரிமானத்தை மேம்படுத்த பலர் இதைப் பயன்படுத்துகின்றனர்.

கொழுப்பைக் குறைக்கிறது: இஞ்சி உங்கள் எல்டிஎல் கொலஸ்ட்ரால் அல்லது கெட்ட கொழுப்பின் அளவைக் குறைக்க உதவும்.

நெஞ்செரிச்சல் நிவாரணம்: நெஞ்செரிச்சலுக்கான பாரம்பரிய இயற்கை சிகிச்சை இஞ்சி.

மாதவிடாய் வலியிலிருந்து நிவாரணம்: உங்களுக்கு வலி இருந்தால், சூடான இஞ்சி டீயில் ஒரு துண்டை ஊறவைத்து, அதை உங்கள் வயிற்றின் கீழ் வைக்கவும். இதன் மூலம் தசைகள் ஓய்வெடுக்கும். மேலும் இது வலி நிவாரணத்திற்கு கூட உதவும். அதே நேரத்தில் தேன் கலந்த இஞ்சி டீயை குடிக்கலாம்.

ஜலதோஷம் மற்றும் காய்ச்சலைத் தடுக்கிறது: குளிர்காலம் ஜலதோஷம் மற்றும் காய்ச்சலின் அபாயத்தையும் அதிகரிக்கிறது. இஞ்சி சளி மற்றும் காய்ச்சலுக்கு இயற்கையான மருந்தாகப் பயன்படுத்தப்பட்ட நீண்ட வரலாற்றைக் கொண்டுள்ளது. குளிர் காலத்தில் ஏற்படும் பொதுவான பிரச்சினையான தொண்டை வீக்கத்தையும் இஞ்சி குறைக்க வல்லது.

Views: - 276

0

0