சரியா தூக்கம் வர மாட்டேங்குதா… இந்த டிப்ஸ டிரை பண்ணி பாருங்களேன்!!!

ஒரு சராசரி நபருக்கு தினமும் 8 முதல் 10 மணிநேரம் தூக்கம் தேவை. ஆனால் பலருக்கு தூங்குவதில் சிக்கல் உள்ளது. தூக்கமின்மை உங்கள் மனநிலை, உறவுகள் மற்றும் கவனம் செலுத்தும் திறனை பாதிக்கலாம். உங்களுக்கு போதுமான தூக்கம் வரவில்லை என்றால், அதற்கான காரணத்தை கண்டுபிடித்து தீர்வு காணுவது அவசியம்.

நல்ல தூக்கத்தை பெற சில யோசனைகள்:
*பகலில் சுறுசுறுப்பாக இருங்கள். ஓடி ஆடி விளையாடும் சிறு குழந்தைகள் எவ்வளவு நன்றாக தூங்குகிறார்கள் என்பதை நீங்கள் கவனித்திருக்கலாம். ஆகவே, உடல் செயல்பாடு உங்கள் மனநிலையை மேம்படுத்தவும் மன அழுத்தத்தை குறைக்கவும் உதவும்.

*படுக்கைக்கு செல்லும் நேரத்தில் காஃபினைத் தவிர்க்கவும். காபி, டீ, எனர்ஜி பானங்கள் மற்றும் பலவற்றில் காஃபின் உள்ளது. இது ஒரு தூண்டுதலாகும். அதாவது இது உங்களை விழிப்புடனும் எச்சரிக்கையுடனும் வைத்திருக்க உதவும். நன்றாக தூங்குவதற்கு பகலில் காஃபின் அளவைக் கட்டுப்படுத்தவும், மாலையில் காஃபின் இல்லாத பானங்களுக்கு மாறவும்.

*மின்னணு சாதனங்களுக்கு குட்நைட் சொல்லுங்கள்.
உங்கள் படுக்கையறையை தொழில்நுட்பம் இல்லாத பகுதியாக மாற்றவும். எலெக்ட்ரானிக் சாதனங்களில் இருந்து வரும் வெளிச்சம், இன்னும் பகல் நேரம் தான் உள்ளது என்று மூளையை ஏமாற்றுகிறது. எனவே விளக்குகள் அணைவதற்கு ஒரு மணி நேரத்திற்கு முன்பு எல்லாவற்றையும் அணைக்கவும்.

*உறக்க நேரத்தை வழக்கமாக வைத்துக் கொள்ளுங்கள். தினமும் ஒரே நேரத்தில் படுக்கைக்குச் செல்வது உடல் தூக்கத்தை எதிர்பார்க்க உதவுகிறது. உறக்க நேர வழக்கத்தை உருவாக்குவது இந்த தளர்வு விளைவை மேம்படுத்தும். எனவே ஒவ்வொரு இரவிலும் படிப்பது, இசையைக் கேட்பது, செல்லப்பிராணியுடன் நேரத்தைச் செலவிடுவது, டைரியில் எழுதுவது, தியானம் செய்வது அல்லது உங்களை ஆசுவாசப்படுத்தும் வேறு எதையாவது செய்வதன் மூலம் ஓய்வெடுங்கள்.

Views: - 333

0

0